amalinks wokungena

Breaking News

Uhulumende weZimbabwe: Sesiqinisa Umsebenzi Wokulondoloza Imvelo


Ukungcoliswa komkhathi
Ukungcoliswa komkhathi

Leli nyathelo likahulumende liphume emhlanganweni wogatsha lwezemvelo umumo womkhathi lamanzi lenhlanganiso eziphatheka kule imisebenzi owenzelwe e Harare ngoMvulo.

Umhlangano wokungcoliswa komkhathi
Umhlangano wokungcoliswa komkhathi

Umnumzana Elisha Moyo ongumcubunguli kulolugatsha uchasisa ngokuqakatheka kwalumhlangano.

Unkosazana Elizabeth Gulugulu wenhlanganiso ye Smart Agriculture Youth Network uthi bafunde okunengi ngendlela ezintsha abangazisebenzisa ezingaphinda zihuge labatsha ukuthi bangene emsebenzini wokulima ngokugcweleyo bacine sebeziqenya ngawo ngoba belakho ukuziphilisa.

UMoyo uthi okujabulisayo yikuba ele Zimbabwe yilizwe elisathuthukayo elizama ukuvuselela amafekitali alo njalo lilakho ukuthatha lelithuba ukusebenzisa indlela zakulezinsuku ukuphumelela kulumsebenzi.

Umhlangano wokungcoliswa komumo womkhathi
Umhlangano wokungcoliswa komumo womkhathi

Abogatsha lwezomumo womkhathi bathi uhulumende usethole usekelo lwemali esebenzelana labenhlanganiso yomanyano wamazwe womhlaba eye United Nations Development Program njalo kuzahlolwa imisebenzi efana lamabhizimusi amafekitali, izitimela lezimota ezisetshenjiswayo elizweni ekuthini udubo lwentuthu ephazamisa umkhathi lomoya wokuphefumula lungehliswa ngaiphi indlela.

Abamabhizimusi abanengi abangene lumhlangano bathi sokungadingakala ukuba kusungulwe idale elibona ngezomumo womkhathi elingabunjwa ngabahluleli labatshutshisi njalo kukhuthazwe ukusetshenjiswa kwamandla afana lawelanga awe solar, wind power lamanye ehlisa intuthu engcolisa lokuphazamisa umkhathi lomoya ophefumulwa ngabantu, inyamazana lemvelo.

Lumhlangano ungenwe ngabenhlanganiso ezitshiyeneyo ezigoqela abamabhizimusi, abenhlanganiso ezizimeleyo, abenhlanganiso ezimele izisebenzi labakuhulumende.

Udaba lokuguquka komkhathi siluphiwa nguMark Peter Nthambe
please wait

No media source currently available

0:00 0:03:15 0:00

XS
SM
MD
LG