Uhulumende Nguye Obhombe Ilitshe Lesikhumbuzo seGukurahundi eBhalagwe, Kutsho Ibhetshu Likazulu

Inhlanganiso yeIbhetshu Likazulu ithi ayila kuthandabuza ukuthi uhulumende nguye othiye ibhomba elidilize ilitshe lesikhumbuzo sabantu ababulawa yiGukurahundi eBhalagwe.

Ilitshe leli libhonjwe ngoLwesibili phakathi kobusuku labhidlika laba yizihlephu.

Iziphathamandla zalinhlanganiso zivule icala emapholiseni eMaphisa ngoLwesine.

Linhlanganiso isike yafaka amanye amatshe endaweni efanayo kodwa atshontshwa.

Umholi wayo uMnu Mbuso Fuzwayo utshele iStudio 7 ukuthi ukumangala kwabo emapholiseni akutsho ukuthi balethemba lokuthi amapholisa azaluphenya loludaba ngoba besazi ukuthi uhulumende nguye owenze lesisiga.

Wengeze wathi ukutshontshwa lokubhonjwa kwamatshe la akuhambelani lombiko kaMongameli Emmerson Mnangagwa owokuthi abantu kumele bakhulume ngodaba lweGukurahundi bekhululekile.

Embed share

Ingxoxo loMnu Mbuso Fuzwayo

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:03 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Lumsakazo uzamile ukukhulumisana lomphathintantambo obona ngokwethulwa kwemibiko kuhulumende uNkosikazi Monica Mutsvanwa kodwa ubengadobhi ucingo lwakhe.

Isehlakalo lesi sisolwe kakhulu ngabantu abanengi abagoqela abamabandla aphikisayo labebandla elibusayo leZanu PF abagoqela uMnu Joseph Tshuma.