WASHINGTON DC —
Uhulumende ngoMgqibelo uqale uhlelo lokukhulula izibotshwa ezizinkulungwane ezintathu ezixolelwe nguMongameli Emmerson Mnangagwa ngenjongo yokuphungula ukuminyana okusemajele.
Amajele asendaweni ezitshiyeneyo zelizwe akhulule izibotshwa ezilamacala amancane njalo eChikurubi lakwamanje amajele aseHarare kukhululwe izibotshwa ezingamakhulu amane, 400, ngokubika kweAssociated Press.
Abetheswa amacala afana lokubulala lokudlwengula abasoze bakhululwe.
Amajele eZimbabwe enelisa ukugcina izibotshwa ezizinkulungwane ezilitshumi lasikhombisa, 17,000, kodwa okwamanje aminyene ngabantu abazinkulungwane ezingamatshumi amabil lambili, 22,000.