Uhulumende Usefakile Njalo Umthelo weImport Duty Ezintweni Ezithengwa Phandle Kwelizwe Ezigoqela Impuphu

Uhulumende wazise ngoLwesine ukuthi usebuyisele umthelo we-import duty ezintweni ezibalulekileyo empilweni kazulu eziyabe zithengwe phandle kwelizwe ezigoqela impuphu, itshukela, amafutha okupheka lawokugcoba, i-rice, isawudo, isepa yokuwatsha kanye leyokugeza.

Ingcwethi kwezenotho zithi lokhu kuzabangela ukuthi intengo yezinto lezi ikhwele. Zithi njalo le yindlela kahulumende yokudinga imali njengeminye nje imithelo eminengi asanda kuyethesa uzulu.

Umthelo we-import duty wesulwa ngumphathintambo obona ngezemali uMnu Mthuli Ncube nyakenye ngesikhathi osomabhizimusi sebekhuphule intengo kakhulu.

Ingcwethi ecubungula ezenotho uMnu Reggie Shoko utshele iStudio 7 ukuthi lanxa inyathelo leli lizathakazelelwa ngamafekithali eZimbabwe, uzulu kasoze alijabulele ngoba lisiza lobunzima bokukhwela kwentengo yezinto.

Embed share

Ingxoxo loMnu Reggie Shoko

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:13 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Umphathintambo wezemali uNcube ubengabambeki ecingweni.