amalinks wokungena

Breaking News

Uhulumende Uthi Abantwana Abaleminyeka Engu-14 Kusiya Kwengu-17 Sebengahlatshwa Ijekiseni yeCovid-19


FILE - In this July 22, 2021, file photo, health care worker fills a syringe with the Pfizer COVID-19 vaccine at the American Museum of Natural History in New York. U.S. health officials Wednesday, Aug. 18, recommended all Americans get COVID-19 booster s
FILE - In this July 22, 2021, file photo, health care worker fills a syringe with the Pfizer COVID-19 vaccine at the American Museum of Natural History in New York. U.S. health officials Wednesday, Aug. 18, recommended all Americans get COVID-19 booster s

Uhulumende uthi abantwana abaleminyaka esuka kwelitshumi lane, 14, kusiya kwelitshumi lasikhombisa, 17, sebevunyelwa ukuhlatshwa ijekiseni yeCovid-19.

Okwamanje bekusahlatshwa abaleminyaka esukela kwelitshumi lasitshiyangalombili, 18, kusiya phezulu.

Lokhu kwaziswe ngumphathintambo obona ngokwethulwa kwemibiko uNkosikazi Monica Mutsvangwa ngoLwesithathu.

Wazise njalo ukuthi ilizwe selithenge amajekiseni ayizigidi ezilitshumi lantathu, 13 million, phakathi kwayizigidi ezingamatshumi amabili, 20 million, eliwafunayo.

Uveze njalo ukuthi eleZimbabwe lizakupha eleNamibia amajekiseni azinkulungwane ezingamatshumi amabili, 20, 000.

Isiphathamandla senhlanganiso yeBulawayo Progressive Residents Association uMnu Ambrose Sibindi utshele iStudio 7 ukuthi kulungile ukuthi abantwana labo bahlatshwe nxa kuyikuthi akulankinga ezingadalwa yilijekiseni.

please wait

No media source currently available

0:00 0:03:05 0:00

Kusenjalo, ugatsha lwezempilakahle luthi kubhubhe abantu abalitshumi lasitshiyangalombili, 18, ngeCovid-19 eZimbabwe ngoLwesithathu.

Kutholakale njalo abangamakhulu phose amane, 391, belomkhuhlane lo. Abahlatshwe ijekiseni yeCovid-19 yakuqala bazinkulungwane ezingamatshumi phose amane, 39, 897.

Abahlatshwe eyesibili bona bazinkulungwane ezingamatshumi phose amathathu, 28,853. Asebehlatshwe ijekiseni yakuqala bonke sebengu2,422,256 kuthi asebahlatshwe eyesibili sebengu1,535,298.

XS
SM
MD
LG