amalinks wokungena

Breaking News

Uhulumende Uthi Intengo Yegazi Kumele Yehliswe Ukuzwe Abazithweleyo Benelise Ukuyithenga


Igazi eliphiwe ngabaphathisayo
Igazi eliphiwe ngabaphathisayo

Ikomiti ebona ngezempilakahle iphakathi kokuxoxisana lohulumende ukuthi kwehliswe intengo yegazi ukuze abantu abazithweleyo, abadala kanye Labantwana abangaphansi kwemnyaka emihlanu benelise ukulithola.

Intengo yegazi eZimbabwe iphezulu kakhulu inengi labantu likhala ngokuthi alifinyeleli intengo yegazi.

Ilunga lekomiti yezempilakahle, elilunga ledale lePhalamende eMakhandeni-Entumbane Constituency uMnu. Dingilizwe Tshuma, uthi uhulumende sowehlisa intengo yegazi ngenxa yesimo sezomnotho elizweni ethi bathemba ukuthi intengo yehliswe njalo.

UTshuma uthi bake bavakatshela kweleZambia lapho abananzelele ukuthi omama abazithweleyo, abantwana kanye labakhulileyo.

UTshuma uthe uhulumende angenelisa ukukwenza lokhonxa engasebenza lenhlanganiso ezizimeleyo ezempilakahle

Isakhamuzi saseNtumbane unkosikazi Margaret Moyo sijabule kakhulu ngokukhulunywe nguTshuma, ethi bathwele nzima ngoba igazi alikwelediswa ngakho ukwehla kwentengo yinto eyamukelekileyo.

Esinye njalo isakhamuzi unkosikazi Soneni Dube esinikeza igazi sithe igazi kumele lehliswe intengo kakhulu ngenxa yokuthi balithola ebantwini mahala ethi kulusizi ukulahlekelwa yimpilo ngenxa yokusweleka kwegazi.

Intengo yegazi yayi ngamadola alikhulu lamatshumi ayisithupha njalo inengi labantu lalisehluleka ukubhadala leyi ntengo.

please wait

No media source currently available

0:00 0:03:23 0:00

XS
SM
MD
LG