UMongameli Donald Trump namuhla wethule uhlelo lwabantu bokuza oluvimba abanengi abafisa ukusebenza lokuhlala kwele Melika.
Uhlelo lolu okumele luhlafunwe lidale leCongress, luvumela abantu abafundileyo lengcwethi ezibona ngokutshiyeneyo ukuthi bazehlala eMelika.
UTrump ufisa ukuthi kuvinjwe lohlelo lweVISA Lottery olwenza ukuthi abantu bokuza bethole ilungelo loluhlala kwele Melika ngokungena ebulenjini beInternet kukhasi lelizwe leMelika lapho okutholakala khona indlela zokuhlala kulelolizwe.
UNkosazana Sinini Ncube, odabuka kwele Zimbabwe ohlala eNew Orleans, uthi kunzima ukuzwisisa ukuthi kwenzakalani kwele Melika ngabantu bokuza.
UNkosikazi Nancy Pelosi okubandla lama Democrats uthe uTrump uyaziyenga nxa ezama ukumisa ukuthi abantu bokuza bangene kwele Melika.
UPelosi uthe okufunwa nguTrump akusoze kuphumelele edale leCongress.
