Igqwetha elikhulu likahulumende weMelika, uAttorney General, uMnu Merrick Garland wazise ngoMvulo ukuthi ugatsha lwakhe lwezemithetho solusungule uphenyo phezu kwendlele amapholisa edolobho leLouisville, eKentucky, asebenza ngayo.
Lokhu kuza ngemva kokubulawa konsundu wesifazana uBreonna Taylor ngamapholisa amdubulela endlini yakhe nyakenye.
Ngeviki edluleyo uGarland uveze njalo ukuthi sebephenya ukusebenza kwamapholisa aseMinneapolis kulandela ukubulawa konsundu uGeorge Floyd lipholisa elimhlophe uDereck Chauvin yena ofunyanwe elamacala okubulala uFloyd njalo osemelele ukugwetshwa.
Ohlaziya ezombusazwe uMnu Difa Dube utshele iStudio 7 ukuthi amanyathelo asethathwa nguhulumende weMelika la alakho ukwehlisa izehlakalo zokubulawa kwabansundu mahlayana ngamapholisa amhlophe.