JOHANNESBURG —
Uhulumende wakwele South Africa wazise ukuthi izizalwane zeZimbabwe ezathola amapermit phansi kohlelo lokuxolelwa kwalabo ababeselizweni ngokungekho emthethweni ngo 2010, kuzafuze bebuyele eZimbabwe ekupheleni kweminyaka abayiphiwe kulawo mapermit, ukuze bafake izicelo zokwengezelelwa iminyaka beseZimbabwe. Lumbiko owethulwe ngumsekeni kaMphathintambo wogatsha lwendaba zasekhaya uNkosikazi Fatima Chohan ePretoria ngoLwesithathu, usutshiye izizalwane zeZimbabwe zingela mathe.
Ekhuluma emhlanganweni wabezindaba ePretoria lamhlanje, Umsekeli kaMpathintambo wogatsha lwendaba zasekhaya uNkosikazi Fatima Chohan, uthe emhlanganweni oqhutshwe lidale labaphathintambo mhlaka 19 Mbimbitho lonyaka, kuhle kwethulwa isinqumo sokuthi bonke abeZimbabwe abaphiwa amapermit phansi kohlelo lokubhaliswa kwalabo ababeselizweni ngokungekho emthethweni ngo 2010, kuzafuze babuyele kubo ekupheleni kweminyaka abayiphiwe kula mapermit bese becela imvumo yokwengezelelwa iminyaka sebekhonale.
Lumbiko kaNkosikazi Chohan usubangele imibuzo eminengi, edinga impendulo zesiphangiphangi. Esebuzwa yile intatheli, ukuthi achaze kabanzi ukuthi luzaqhutshwa njani loluhlelo, unkosikazi Chohan walile ukuchacha ethi umphathintambo walolugatsha uzaqhuba umhlangano labeZimbabwe lapho azaveza khona konke okuphathelene lalolu hlelo.
Umbiko lo kahulumende wakwele South Africa usutshiye izizalwane zeZimbabwe zilesithuli, kantike sekusobala ukuthi sezitshonelwe lilanga emini libalele.
Kulezizalwane zeZimbabwe ezizinkulungwane phose ezingamakhulu amathathu (300 000) ezathola amapermit la inengi lawo aqala ukuphelelwa yiminyake ekupheleni kwalonyaka.
Isizalwane seZimbabwe unkosikazi Nomalanga Dlamini ubethukuthele eganunwabo ngesikhathi ekhuluma leStudio. Uthi kakuzwisiseki ukuthi abantu abanengi kangaka abaphiwa abapermit ngenxa yokuthi bayasebenza, ukufunda loba ukuqhuba amabhizimusi, besekuthiwa bafulathele konke lokho bayecela imvumo yokuqhubekela phambili sebeseZimbabwe.
Unkosazana Linneth Moyo, owenza umsebenzi wezindlini, ngomunye wabaqala ukuthola amapermit la ekuqaleni kuka 2011. Yenake uthi usephelelwe ngumphako njengoba eyakhe ipermit izaphelelwa yiminyaka ngo Lwezi lonyaka kantike uthi kuyacaca ukuthi angavele aye eZimbabwe phinde ayithole imvumo yokuzosebenza kweleSouth Africa.
Inengike lithi selilinde ngamehlo abomvu isimemezelo esizakwenziwa ngumphathintambo wogatsha lwendaba zasekhaya, emalangeni embalwa alandelayo okukhangelelwe ukuthi sichaze kabanzi ukuthi ikusasa labo limi kanjani.
Ekhuluma emhlanganweni wabezindaba ePretoria lamhlanje, Umsekeli kaMpathintambo wogatsha lwendaba zasekhaya uNkosikazi Fatima Chohan, uthe emhlanganweni oqhutshwe lidale labaphathintambo mhlaka 19 Mbimbitho lonyaka, kuhle kwethulwa isinqumo sokuthi bonke abeZimbabwe abaphiwa amapermit phansi kohlelo lokubhaliswa kwalabo ababeselizweni ngokungekho emthethweni ngo 2010, kuzafuze babuyele kubo ekupheleni kweminyaka abayiphiwe kula mapermit bese becela imvumo yokwengezelelwa iminyaka sebekhonale.
Lumbiko kaNkosikazi Chohan usubangele imibuzo eminengi, edinga impendulo zesiphangiphangi. Esebuzwa yile intatheli, ukuthi achaze kabanzi ukuthi luzaqhutshwa njani loluhlelo, unkosikazi Chohan walile ukuchacha ethi umphathintambo walolugatsha uzaqhuba umhlangano labeZimbabwe lapho azaveza khona konke okuphathelene lalolu hlelo.
Umbiko lo kahulumende wakwele South Africa usutshiye izizalwane zeZimbabwe zilesithuli, kantike sekusobala ukuthi sezitshonelwe lilanga emini libalele.
Kulezizalwane zeZimbabwe ezizinkulungwane phose ezingamakhulu amathathu (300 000) ezathola amapermit la inengi lawo aqala ukuphelelwa yiminyake ekupheleni kwalonyaka.
Isizalwane seZimbabwe unkosikazi Nomalanga Dlamini ubethukuthele eganunwabo ngesikhathi ekhuluma leStudio. Uthi kakuzwisiseki ukuthi abantu abanengi kangaka abaphiwa abapermit ngenxa yokuthi bayasebenza, ukufunda loba ukuqhuba amabhizimusi, besekuthiwa bafulathele konke lokho bayecela imvumo yokuqhubekela phambili sebeseZimbabwe.
Unkosazana Linneth Moyo, owenza umsebenzi wezindlini, ngomunye wabaqala ukuthola amapermit la ekuqaleni kuka 2011. Yenake uthi usephelelwe ngumphako njengoba eyakhe ipermit izaphelelwa yiminyaka ngo Lwezi lonyaka kantike uthi kuyacaca ukuthi angavele aye eZimbabwe phinde ayithole imvumo yokuzosebenza kweleSouth Africa.
Inengike lithi selilinde ngamehlo abomvu isimemezelo esizakwenziwa ngumphathintambo wogatsha lwendaba zasekhaya, emalangeni embalwa alandelayo okukhangelelwe ukuthi sichaze kabanzi ukuthi ikusasa labo limi kanjani.