amalinks wokungena

Breaking News

Uhulumende Wethula Uluhlu Olugcweleyo Oluhlela Amahlandla Okuvulwa Lokuvalwa Kwezikolo


Des enfants zimbabwéens sont assis dans une salle de classe dans une école de Norton, à 55 km à l’ouest de Harare, le 28 janvier 2009

Ugatsha lwezemfundo solwethule uluhlu olugcweleyo oluveza ukuthi izikolo zizavulwa nini njalo zivalwe nini amahlandla wonke umnyaka uze uyephutsha.

Ihlandla kumbe i-term yakuqala esungulwa mhlaka 15 kulinyanga ngabafundi abaloba imihloliswe belandelwa ngabanye abafundi mhlaka 22 kulinyanga njalo izaphela mhlaka 4 ngoNhlangula sokuvalwa izikolo.

I-term yesibili izaqala mhlaka 28 ngoNhlangula njalo iyephela mhlaka 10 ngoMpandula kuthi kweyokucina izikolo zizavulwa mhlaka 4 ngoMfumfu ziyevalwa mhlaka 17 ngoMpalakazi.

I-term yakaqala ngomnyaka ozayo izaqala mhlaka 10 ngoZibandlela kodwa uhulumende kasatshongo ukuthi izagqitshwa nini.

Ukuvulwa kwezikolo lokhu kuza ngesikhathi izakhamizi zemaphandleni zisithi izikolo ezinengi azilamanzi, okuyinto elakho ukubangela ukuthi umkhuhlane weCovid-19 umemetheke kalula uhlasele abafundi lababalisi.

Kodwa umphathintambo wezemali uMnu Mthuli Ncube uthi izikolo ezingelamanzi azisoze zivulwe uhlupho lolu lungalungiswanga.

Izifundi zemaphandleni ezinengi aziphumelelanga ezifundweni zikaGrade 7 njalo ezinye zazo zibikwa zingakwazi lokubala umutsho owodwa nje.

Isiphathamandla senhlanganiso yeRural Communities Empowerment Trust uMnu Vumani Ndlovu uthi uhulumende kumele akuphathe ngobunono udaba lokuvulwa kwezikolo lolu.

please wait

No media source currently available

0:00 0:02:54 0:00

Facebook Forum

XS
SM
MD
LG