amalinks wokungena

Breaking News

Manjinela Gastaff Kativu: UMnangagwa Labanye Bakhe Kabasiwe Edale leICC


UMnu. Gastaff Kativu womkhankaso we "Complete Knock Down of Establishment Campaign - CKD Campaign"

UManjinela Gastaff Kativu ophatheke njalo kwezombusazwe uthi uMongameli Emmerson Mnangagwa labanye bakhe, kumele bayethonisiswa emthethwandaba wamazwe womhlaba owe International Criminal Court – ICC, njalo bajeziswe phezu kwamacala abo wokuhlukumeza abantu.

UKativu wenze lesi sicelo emhlanganweni lentathelizindaba e Media Centre, eHarare esithi, akaboni imithethwandaba yaseZimbabwe isanelisa ukumthonisisa uMnangagwa labanye abangabangane bakhe lezihlobo.

Wakubeka sobala ukuba ukususwa kobengumongomeli esikhundleni, umnumzana Robert Mugabe bekuyikusungulwa nje komsebenzi wokuguqula isimo sezombusazwe elizweni.

Ukhuthaza uzulu ukuba angaze alalisa inkophe eyengwa yilabo asebahluthuna intambo zombuso okubalisa yena uMnangagwa lomsekeli wakhe uRetired General Constantino Chiwenga ethi bayafana nje loMugabe.

U Kativu uthi ukubone kufanele asungule lumkhankaso ngemva kokukhululwa kwakhe entolongweni mhla ka 8 Zibandlela wanikezwa ithuba lokuhlawula imali yesibambiso i bail, esetheswa icala lokuphazamisa ukuthula ngemva kokutshengisela kwakhe eyedwa ephethe ibhakana ebelikhuluma ngokuthi uMnangagwa wabulala umngane wakhe, ngesikhathi somhlangano we Zanu Pf Special Congress ngo Mpalakazi nyakenye.

UMnu. Gastaff Kativu ukhuthaza abantu ukusayina isicelo sokuya edale leICC
UMnu. Gastaff Kativu ukhuthaza abantu ukusayina isicelo sokuya edale leICC

Ukhuthaza uzulu weZimbabwe lomhlaba wonke ukuba aphatheke ekusayineni incwadi yezikhalazo etholakala ebulenjini, ukukhankasela ukusiwa kuka Mnangagwa labanye abakhe edale le ICC.

Kodwa abakhulumisane lalumsakazo okubalisa intathelizindaba u Henry Mateu bethi okwenziwa ngu Kativu kuyikuwumana nje.

Umphathintambo wezemithetho umnumzana Ziyambi Ziyambi, uthi kungeke kwenzakala okutshiwo ngu Kativu ukukhankasela ukusiwa kwenkokheli yelizwe edale le ICC.

U Ziyambi Ziyambi uthi akulula njengalokho u Kativu akubeka ngakho, ukusa inkokheli phambi kwalelidale ngoba kulendlela yakhona elandelwayo ebalisa ukuzihlolisisa izehlakalo okukhulunywa ngazo.

Udaba lokukhuthaza ukuthi uMnangagwa asiwe edale leICC siluphiwa nguMavis Gama
please wait

No media source currently available

0:00 0:03:14 0:00

Facebook Forum

XS
SM
MD
LG