Ukuthethwa kwecala lokubulawa konsundu uGeorge Floyd lipholisa elimhlophe kungene kusuku lwesithathu izolo lapho abatshutshisi abatshengise khona i-video entsha ebangele ukuthi omunye umfakazi wesilisa ehlise izinyembesi.
Ku-video le, uFloyd uvela esesitolo lapho abizelwa khona amapholisa esetheswa icala lokuthenga igwayi ngeUS$20 yokuzibazela.
Uvele njalo esebandezelwe entanyeni ngumsolwa uDereck Chauvin, okuyikho okubangele ukuthi umfakazi lo akhale enkantolo.
Omunye ophe ubufakazi ngowathengisela uFloyd.
Ohlaziya ezombusazwe njalo elandela ukuthethwa kwalelicala uMnu Difa Dube utshele iStudio 7 ukuthi lanxa amagqwetha omsolwa esithi uFloyd wabulawa yisifo ayevele elaso lezidakamizwa ezatholakala emzimbeni wakhe, ubufakazi osobuphumile buveza sobala ukuthi uChauvin nguye owambulalayo.