amalinks wokungena

Breaking News

Isitha sikaMugabe, UKhama, Usedinga Ukuba Ngumngane kaMnangagwa?


Emmerson Mnangagwa lo Ian Khama

Umongameli Ian Khama wakwele Botswana obelobudlelwano bengwe lenja lowayengumongameli weZimbabwe, uMnu. Robert Mugabe ukhanya esezama ukuguqula lesi simo.

Kachithanga isikhathi ukuzisondeza duze kuka Mongameli Emmerson Mnangagwa ngokumthumela umlayezelo wokumtshayela ihlombe ngokuthatha intambo zombuso kumaviki amathathu adluleyo.

Kuyonale iviki uphindile njalo ukumethulela ingowane wagcizelela ngokuthi ilizwe lakhe lizimisele ukusekela iZimbabwe ekulungisiseni umnotho.

UKhama uphindile njalo ukuthi eleBotswana lizimisele ukuncedisa iZimbabwe endleleni yokulungisa isimo somnotho.

Abacubungula ngezomnotho, bathi lokhu kuqakathekile njalo kuvele kukhangelelwe ngoba amazwe womabili elobudlelwano obusuka khatshana kwezomnotho.

Omunye obale kumfundo eziphezulu kwezomnotho lobudlwelwano bamazwe, eze economics and international relations, uthi umlayezo kaKhama ukhomba indlela iBotswana efisa ukusebenzelana ngayo leZimbabwe.

“Umnunzana Khama uyenzele uMnangagwa amhlophe kuyindlela yokumamukela kanye lokumkhuthaza ukuqinisa ubudlwelwano phakathi kwamazwe womabili, ikakhulu ku trading kanye lezomnotho jikelele. Izwekazi leSADC alenzi kuhle uma kungahambi kahle eZimbabwe.”

Uqhubeke ethi kunengi amazwe womabili angasebenzelana ngakho ngaphansi kombuso omutsha…

“Siyananzelela ukuthi iZimbabwe ibe incedisa amazwe anjenge Botswana ngama skills emsebenzi, kodwa phakathi eZimbabwe bekungahambi kahle ngenxa yokuthi uMugabe ube engahloniphi ilungelo loluntu. Ngaleyo ndlela uKhama uzama ukuthi kubelobudlwelwano obuzakwenza ukuthi kubelentuthuko kusiya phambili.”

Kukanti uMnu. Mthabisi Dube yena uthi okwenzakala phakathi kwabohulumende bobabili kuyinto enhle engaba lusizo, ikakhulu kwezomnotho kuZimbabwe kanye leBotswana.

“Kungaba yinto enhle, ungakhumbula ukuthi iZimbabwe leBotswana zile trade agreement, okungango kuthi imphahla engena emazweni womabili eyebhizimusi, ayibhadali umthelo we duty. Uma bengaqhubeka beqinise lobu budlelwano kungasiza ikakhulu kwezomnotho.”

Abakubhizimusi eBotswana ngaphansi kwenhlanganiso yeBusiness Botswana, labo bakhangelele ukungena kumathuba omnotho angavuka eZimbabwe ngaphansi kombuso omutsha.

Amalunga eBusiness Botswana, aseke athatha uhambo lokuya eZimbabwe lonyaka, noma nje bekulokhe kuphansi kombuso kaMugabe, besiyahlolisisa inhlangothi abangavula amabhizimusi kuzo.

Amaphephandaba akweleBotswana abika ukuthi uKhama angethekelela eZimbabwe esiyaqinisa ubudlelwano, engakayehli esihlalweni ngoMabasa womnyaka ozayo.

EleBotswana likusigaba sesihlanu emazweni adlelana kakhulu leleZimbabwe, kwezamabhizimusi.

please wait

No media source currently available

0:00 0:02:47 0:00

Facebook Forum

XS
SM
MD
LG