amalinks wokungena

Breaking News

Chiwenga: Asekuzinga Eliphezulu Amalungiselelo Okhetho lweZimbabwe Oluzayo


URetired General Constantino Chiwenga.
URetired General Constantino Chiwenga.

Umsekeli kaMongameli welizwe, uRetired General Constantino Chiwenga, uthi asekuzinga eliphezulu amalungiselelo wokhetho lweZimbabwe lwalonyaka.

Uthi uMongameli Emmerson Manangagwa usemelele nje ukuthi abekhomishini ebona ngezokhetho eye Zimbabwe Electoral Commission (ZEC) igqibe umsebenzi wokubhalisela ukuvota anduba anqume usuku lapho abantu abazavota khona bedinga umongameli, amalunga edale lephalamende kanye lenkokheli yamadolobho lemaphandleni.

Ekhuluma ngemva kokubuzwa ngumsakazo weStudio 7 embukisweni walonyaka wamabhizimisi lokuthengiselana, owe Zimbabwe International Trade Fair, eqeda ukuvula umhlangano wabamabhizimusi, uChiwenga uthe uhulumende uqhubeka kahle ngamalungiselelo okhetho oluzayo.

Uthi uMnangagwa ukhangelelwe ukuthi uzayethulela uzulu ngosuku lokhetho nxa iZEC isiqedile umsebenzi wokubhala ugwalo olutsha lokuvota.

Kusenjalo, umbukiso wezokuthegiselana lezamabhizimusi oweZITF uqhubekela phambili koBulawayo lapho lonyaka okulamazwe amanengi abukisa khona agoqela eleJapan, Kenya, Malawi, Tanzania, lamanye alezindlu zokubukisa ezinkulu kuthi amanye anjenge Germany, India, China lamanye aweEurope amelwe ngosomabhizimisi abazimeleyo labatshali bemali.
Ngasikhathi sinye kuqhutshwa imihlangano ehlukeneyo yabosomabhizimusi.
Lonyaka eleSouth Africa lehlulekile ukuzobukisa eZITF lobanje babethembisile nyakenye ukuthi bazaphenduka. Abogatsha lwezokuthegiselana kwele South Africa bebekhangelelwe ukukhokhela iqula labosomabhizimusi balelo lizwe kodwa abakho lonyaka kuZITF.

Omele ezamabhizimusi esigodlweni sommeli weSouth Africa eZimbabwe, uMnu. Frank Stevens, wethule umbiko othi ukuswelakala kwemali ehlelelwe ukuza eZITF kanye lokuhlawulela osomabhizimusi njengeminyakeni yikho okubangele ukuba bengenelisi ukuza eZITF.

Ongene umbukiso walonyaka ngelanga lamabhizimusi, uNkosazana Nokuthula Ncube, uveze ukudana kwakhe ngokungezi kwabosomabhizimusi beSouth Africa.

Umbukiso weZITF walonyaka uqale kuthange mhlaka 24 uzagqitshwa ngoMgqibelo28 Mabasa. Kusukela ngoLwesibili kuzefika lamhlanje bekunga malanga abosomabhizimusi. Uzulu uzangena embukisweni kusukela kusasa mhlaka 27 kusiya mhlaka 28.
Umbukiso walonyaka uqhutshwa ngaphansi ngesihloko esithi ‘Sustainable Industrial Development-Inclusive Competitive Collaborative.

UMongameli Emmerson Mnangagwa ukhangelele ukuthi uzavula okusemthethweni umbukiso walonyaka weZITF ngoLwesihlanu.

Chiwenga: Asekuzinga Eliphezulu Amalungiselelo Okhetho lweZimbabwe Oluzayo
please wait

No media source currently available

0:00 0:04:09 0:00

​
XS
SM
MD
LG