amalinks wokungena

Breaking News

Amabandla Atshiyeneyo Asola Ukomela Kuka Mugabe Esikhundleni


UMugabe wethule umbiko oqakathekileyo welizwe ngeSonto oveze ukuthi kafuni ukusuka embusweni.

Amabandla ezombusazwe aphikisayo eZimbabwe asesole okwamagama isenzo sika Mongameli Robert Mugabe sokwalela embusweni esithi akusoke kumcede yena lemuli yakhe labangane nanku lebandla lakhe selimkhafule.

Amabandla aphikisayo athi kusukela ilizwe lithatha uzibuse uMugabe ubevele engafunwa ngabantu ngakho-ke kumele aphume esikhundleni. Athi lenkulumo yakhe ngeSonto ntambama iveza ukuba akafuni ukusuka embusweni.

UMongameli weMRP, uMnu. Mqondisi Moyo, uthe akumangalisi ukwalela kwakhe embusweni ngoba vele mhlazana engena wafakwa ngabakubutho.

Isikhulumeli sebandla leZAPU, uMnu. Iphithule Maphosa, yena uthi uMugabe uzaphuma kuphela embusweni ngoba lebandla elalimfakile selimhluthulele zonke izikhundla basalandela umthetho ukuba aphume impela.

Olwela amalungelo oluntu egxile kusisekelo sombuso, uNkosikazi Abigale Mupambi, ukhuthaze amabandla aphikisayo ukuba athathe lelithuba abone ukuthi kuba lenguquko kumithetho yokhetho kanye lokuhlonitshwa kwamalungelo oluntu.

UNkosikazi Connie Mpala yena uthe uMugabe uhlakaniphele eceleni lokhe eqhuba isikhathi engafuni kwehla esikhundleni khona sekusobala ukuba abantu abasamfuni.

Amabandla aphikisayo abekhangelele ukuthi uMugabe ayehle esihlalweni kulandela umhlangano wedale laphezulu leZanu PF ele Central Committee lapho abahlangane khona bavumelane ukumsusa lonkosikazi wakhe ezikhundleni zonke abalazo.

Kuthiwa bebesekelwa licele lebandla leli elibizwa ngokuthi yiGeneration 40 ukubhidliza ilizwe.

Lowomhlangano ubukhokhelwa nguMnu. Obert Mpofu umphathintambo wendaba zasekhaya. Ngemva kwalokho bonke abaxotshwa kubandla babuyiselwe, kwathi uMnu. Emmerson Dambudzo Mnangagwa wakhethwa ukukhokhela ibandla kuze kuyefika ekhethweni ngoMpalakazi.

Okwamanje amalunga edale lephalamende abikwa elungiselela ukumxotsha ngoLwesibili edale belandela iziqondiso zesisekelo sombuso.

Facebook Forum

XS
SM
MD
LG