amalinks wokungena

Breaking News

Izikhwicamfundo Sezilolwe Okumangalisayo Yikufa Kwesilwane uCecil


Isilwane lesi sibulewe yisizalwane seMelika.

Isikwicamfundo ekolitshini yeNational University of Science and Technology sithi ukubulawa kwesilwane ekade sisaziwa ngokuthi nguCecil eHwange yisizalwane seMelika, sokwenze ukuthi abantu abanengi okwamagama emazweni atshiyeneyo balwele ukugcinwa kahle kwezilwane.

UProfessor Peter Mundy, umqondisi weFaculty of Forest and Wildlife kulelokolitshi, uthi loba isilwane lesi sabulawe kabuhlungu yisizalwane seMelika, uMnu. Walter Palmer, sebelamadlabuzane amangalisayo okulwela izilwane, amaganyana lezinye inyamazana zasendle.

UMundy owancedisa izisebenzi zeOxford University ukufaka ibhanti entanyeni yesilwani lesi ukwenzela ukuthi basilandele lula kusukela ngomnyaka ka2008, uthi ukuvuleka kwenhliziyo zabantu abatshiyeneyo kuzanceda kakhulu ukuthi kuhlolisiswe ukugcinwa kwezilwane eZimbabwe lakwamanye amazwe.

Kucatshangelwa ukuthi sokusele izilwane eziyinkulungwane ezimbili – 2,000 - eZimbabwe. Sokulabantu abedlula inkulungwane ezimbili - 200,000 – abafuna ukuthi iWhite House eMelika ihambise uPalmer eZimbabwe ukuyathoniswa icala lokubulala isilwane lesi.

Abantu abayi 1,2 million labo sebebhale imbiko ebulenjini beInternet kuCare2 Petitions befuna ukuthi kuvalwe ukulwela izilwane.

UGibbs Dube we Studio 7 uxoxe loMnu. Siphambaniso Moyo, osebenza eIlala Lodge eVictoria Falls, ngokwenzakalayo ngesilwane lesi njalo lokuthi kungenziwani ukuthi kulondolozwe lezo eziseleyo.

UMoyo uthe kuyajabulisa ukuthi abantu abanengi sebelwela ukulondolozwa kwezilwane lezinye inyamazana zasendle.

please wait

No media source currently available

0:00 0:01:58 0:00
Lapho esitholakala khona

XS
SM
MD
LG