amalinks wokungena

Breaking News

Ukugcotshwa Kuka Bulelani Khumalo Ukubayinkosi NgoMgqibelo Kuzabiza Imali Edlula i$2 Million


UMnu. Bulelani Lobhengula Khumalo

Amalungiselelo okugcoba omunye njalo ozithi yinkosi yamandebele ngomgqibelo wona lo kobulawayo enkundleni ye Barbourfields asefike kusibanga esiphezulu.

ESouth africa kubikwa kuqatshwe amabhasi okuya emkhosini lo azathwala abantu kungelambadalo. Abanye abahlala kwele Botswana, labo balungiselela ukuya embuthwanweni lo.

UMnu. Bulelani Lobhengula Khumalo, nguye ozakuba egcotshwa noma nje kulokudonselana kokuthi oyinkosi uqobo ngubani phakathi kwabathathu abagoqela yena ubulelani, uMnu. Peter Zwidekalanga loMnu. Stanely Raphael Khumalo.

UMnu. Collen Dumani Mlalazi, nguye okhokhela iqula elizakuya koBulawayo lisuka eBotswana ukuyagcoba uBulelani Lobhengula Khumalo.

UMlalazi uthi amalungiselelo asebanga emaphethelweni njalo bayajabula ngokugcotshwa kwenkosi yamaNdebele, kulandela iminyaka leminyaka lokhe kwanyamalala inkosi uLobhengula.

“Abadala bethu bakuzama, kwehlula, kusijabulisa kakhulu. Inkosi izabakwazi mhlaka 3 ukuthi sijabule kakhulu ngokwenzakalayo, kutsho uMlalazi”

Ukugcotshwa kuka Khumalo kuzabiza izigidi zamadola eMelika aphakathi kwezimabili lezinthathu.

UMlalazi uthi kuyadingakala ukuthi abantu bephosele esikhwameni ukuze ilanga langoMgqibelo liphumelele.

Kuzaqoqwa amabhasi ukuthi athwale abafuna ukuyakulo umcimbi, besuka kweleBotswana kungelambadalo.

“Umcimbi uzabiza phakathi kwezigidi zamadola eMelika ezimbili kumbe ezinthathu, ngako noma yiphi isenti, izancedisa. Njalo abantu abanengi ekhaya, siyakwazi abasebenzi, ngakho kumele thina esiphandle siphakame, kutsho uMlalazi”

Noma nje ezagcotshwa ngoMgqibelo uBulelani Khumalo, kulokudonselana phezu kokuthi inkosi eyiyo yiphi khona sekuvele kulekulenkosi eyagcotshwa ngaphambili, uMnu. Stanley Raphael Khumalo, kuthi uMnu. Peter Zwidekalanga ngomunye ovezwe emphakathi ngeviki edluleyo ngabelinye njalo ixuku labasendo lukaMzilikazi.

UMlalazi uthi kujwalekile ukuthi ubukhosi bulwelwe, kodwa ulesiqiniseko ukuthi okwakhathesi babeka inkosi ephuma qho emzini kowayeyi nkosi uLobhengula Khumalo…

“Esikwaziyo yikuthi inkosi izala inkosi. Angisoke ngivuke ngithi sengiyinkosi ngoba sengisaziwa, ngikuxhwala. Kukudala abantu ababesenza kanje babesuselwa amanqe. Yikuganga, Kutsho uMlalazi”

Noma nje kukhanya kulenkunzi ezimbalwa ezifuna ukubhonga esibayeni sinye, inengi kwelemaNdebeleni liyavuma ukuthi kuqakathekile ukugcina amasiko kanye lokupha isithunzi lenkokheli kumthwakazi.

please wait

No media source currently available

0:00 0:02:30 0:00

Facebook Forum

XS
SM
MD
LG