amalinks wokungena

'Ukugcwala Kwamasotsha Ndawana Yonke Kwephula Umthetho'


Amalunga ebandla leMDC-T edale lephalamende ngoLwesithathu akhonone ngokugcwala kwamabutho ndawana yonke ikakhulu emadolobheni esithi le yinto engekho emthethweni.

Umkhokheli walelibandla ephalamende uMnu Innocent Gonese nguye oqale lindaba esithi uMongameli Mnangagwa wayemele amemezele ukuthi usethume amabutho la ukuthi asebenzelane lamapholisa njalo etsho lezizatho.

Kodwa ngoba lokhu akwenziwanga, uGonese uthe amasotsha ephula umthethosisekelo ngokugcwala ezitaladeni.

Umlawuli wedale lephalamende uMnu Jacob Mudenda uthembise ukuthi uzakhulumisana loMongameli Mnangagwa abesephenduka lempendulo edale ngaloludaba.

Kunjalo nje, abantu abanengi bathi kabasahlalisekanga ngokugcwala kwamasotsha ezitaladeni besithi lokhu kwenza bazizwe angani baselizweni elilempi.

Kodwa ingcwethi ehlaziya ezombusazwe, uMnu Effie Dlela Ncube, utshele iStudio 7 ukuthi lokhu akumelanga kwethuse abantu ngoba kusobala ukuthi ibutho yilo elibusayo.

Facebook Forum

XS
SM
MD
LG