WASHINGTON DC —
Abanye bathi ixuku labahlomileyo abahlasele endlini yowayengumholi webutho, uMnu Engelbert Rugeje ngempelasonto lingaba lalihlose ukumbulula kubangelwa yikungezwani okukubandla leZanu PF.
NgeSonto emadabukakusa abantu abayisikhombisa babikwa befike endlini kaRugeje emzini wezipatsha eMount Pleasant eHarare baliswana kakubi ngezibhamu labogadi ababelinde lindlu kwafa oyedwa.
Okudale umcabango wokuthi le kungaba yimpi yomdeni weZanu PF yikuthi isidumbu salo owabulawayo, uKudakwashe Mudzavose, sitholakele silekhadi lebandla leZanu PF.
Amapholisa athi omahlasela yizigebengu nje ezazizama ukuzinceda ngempahla kaRugeje.
Kodwa abanye bathi kukhona okutsahya amanzi. Omunye wabo nguMnu Bekezela Maduma Fuzwayo, ocubungula ezombusazwe.