Uhulumende uthi ukuguquka komkhathi sekulethele uzulu inkinga ezinengi ezigoqela ukusilela kokudla, ukonakala kwemvelo kanye lokuphazamiseka nje kwempilo.
Ngalokho, uthi sesungule uhlelo lweNational Climate Change Response Strategy ngenjongo yokulwisana lalolu dubo.
Amanyathelo la aza ngesikhathi uhulumende elungiselela umhlangano wamazwe womhlaba wokubonisana ngokuguqula komkhathi oweCOP21, ozakwenzelwa kweleFrance.
UMongameli Mugabe uzakhuluma emele emhlanganweni lo eleme eleZimbabwe lamazwe eAfrica jikelele njengomgcinisihlalo weAfrican Union.
Ingcwethi kwezomkhathi zithi uhulumende sekubone kufanele ukuphuma lenhlelo zokwenqabela ukuqonga kwenhlupho ezidalwa yikuguquka komkhathi.
Kodwa umqondisi wenhlanganiso yamankampani ezamandla omlilo, eyeZimbabwe Energy Council, uMnu Panganayi uthi okudanisayo yikuba akula kusebenzelana phakathi kwenhlangothi ezitshiyeneyo ekulwisaneni lalolu dubo.
Ziyakhonona ngokwenza kukahulumende inhlanganiso ezicubungula ezentuthuko kwezokuthengiselana ezifana leyeCoalition for Market and Liberal Solutions – COMALISO ekhokhelwa nguMnu Rejoice Ngwenya.
