amalinks wokungena

Breaking News

'Ukukhitshwa kukaNguwaya Kuluhlu Lwabasolwa Akutsho Ukuthi Umsulwa'


Hands bound by handcuffs

Isiphathamandla senkampani yeDrax International uMnu Delish Nguwaya ukhanya esengumuntu okhululekileyo kulandela ukwesulwa kwegama lakhe ngumantshi kuluhlu lwabasolwa, i-remand.

UNguwaya ubotshwe ngoNhlangula lonyaka esetheswa icala lokuthola ikontilaha yokudingela uhulumende izinto zokuvikela umkhuhlane weCovid-19 ngokuqamba amanga ngomsebenzi owenziwa yinkampani yakhe.

Umantshi uNgoni Nduna ukhuphe uNguwaya ku-remand izolo esithi sokungokwetshumi emiswa enkantolo kodwa uhulumende esehluleka ukuqalisa ukuthetha icala lakhe esithi usadinga ubufakazi.

UNduna uthe uhulumende ukhanya engakwazi lokuthi vele enzeni ngodaba lolu. Ngokunjalo, uthe usesusa uNguwaka kuluhlu lwabasolwa.

Uthe uhulumende uzambiza nxa kulesidingo sokuthi lelicala liye phambili.

Icala ebelisetheswa uNguwaya lathinta lowayengumphathintambo wezempilakahle uMnu Obadiah Moyo waxotshwa umsebenzi nguMongameli Emmerson Mnangagwa.

Yena uNguwaya ubikwa elobudlelwano lemuli kaMnangagwa lanxa ekulandula lokhu.

Olwela amalungelo oluntu uMnu Charles Nyoni utshele iStudio 7 ukuthi ukususwa kukaMnu Nguwaya ku-remand akutsho ukuthi umsulwa.

please wait

No media source currently available

0:00 0:02:07 0:00

Facebook Forum

XS
SM
MD
LG