amalinks wokungena

Breaking News

Ukukhuphulwa Kweholo Lezisebenzi Zikahulumende Kubangela Ukukhwezwa Kwentengo Yempahla


Intengo yempahla lokudla kukhuphulwa mihla ngemihla
Intengo yempahla lokudla kukhuphulwa mihla ngemihla

Abantu abanengi elizweni bakhala ngokuqonga kwentengo yamafuta ezimota, itshukela kanye lokunye okumqoka. Ukuqonga kwalintengo kulandela ukukhwezwa kweholo lezisebenzi zikahulumende.

UNkosikazi Linda Masuku osebenzela isibhedlela sikahulumende, uthi kasaboni ukuba ukukhuphulwa kweholo kungaba yimpendulo.

“Mina ngingu mongikazi, ingenile sibili imali izolo, le increment efakiweyo ingenile but ma sikhangela emashop yonke into ikhwelile, impuphu ikhwele yaya ku $54. Kufana lokuthi kuhleli kufana kungangezelelwanga ngoba izinto zikhwelile ema shop. Kumbe mhlawumbe kukhitshwe lona i bond kufakwe i multi currency engxenye kungaba ngcono ngoba sibona engani nxa kungezelelwa umholo kuyabe kufana ngoba ama prices ayabe elokhe ekhwela ngcono sikhiphe ibond kufakwe i multi currency.”

Unkosikazi Alice Ndimande isakhamuzi sakoBulawayo ukhalaza kumongameli ukuba alungise umumo elizweni ukuze intengo zingaqansi mihla ngemihla.

“Ngike ngathi ngingene kuleyi ishop ngibone i price, ngathi mana ngingene kuleyana ngiye confirma kuleyana ngabona i price i high, ngithi sengibuyela laphana ngithole sebekhwezile. Angazi ukuthi lina zihlobo likubona njani mina bengikhala kuye ongumthungameli ukuthi ngeke wasizamela i plan yokuthi abone ukuthi izinto ziyehla ngoba bakithi kuzacina sekulilizwe leSomalia. Lemali yakhona ayikho, le eco cash ungaba layo uthi uyathenga ulutho luyabe luqansile.”

Omunye wezakhamuzi zakoBulawayo, uNkosikazi Silibaziso Dube uthi ukathazekile kakhulu ngodaba lwentengo.

“Mina yazi izinto lezi ziyangihlukuluza emoyeni ukukhwela kwezinto lokhu. Kunjenje lemali asisakwazi ukuthi sisebenzisa yiphi, thina asingela bantu abaphila phandle thina i bond liyasihlukumeza kakhulu ngoba ibond alisathengi lutho.Khathesi sokuphila abantu, abalabantu e diaspora, khathesi thina siyahlukumezeka kakhulu ngendaba leyi yemali siyacela kakhulu ukuthi nga bayasilungisela imali yethu ethengayo ngoba leyi eyethu ayithengi shame. ”

Inengi labantu elizweni lithi sekufana ukuba iholo lokhe lingakhuphukanga ngoba intengo yempahla ihle iqanse ngamandla.

please wait

No media source currently available

0:00 0:03:04 0:00
XS
SM
MD
LG