amalinks wokungena

Breaking News

Ukumiswa kwamaBy-Elections Akukho Emthethweni, Kutsho iVeritas leZESN


Zmbabwean Woman Votes

Inhlanganiso yeZimbabwe Election Support Network (ZESN) kanye leyeVeritas zithi ukumiswa kokhetho lwamaby-elections ngumphathintambo wezempilakahle uMnu Constantino Chiwenga akukho emthethweni.

Uhulumende wazise ngeviki edluleyo ukuthi ukhetho lokugcwalisa izikhala edale lephalamende lakumakhansili obelumele lwenziwe kuMpalakazi mhlaka 5 aluseyikwenziwa ngenxa yomkhuhlane weCoronavirus.

Kumbiko ewethule izolo iVeritas ithe lokhu yikwephula isisekelo sombuso kusahluko 128 (3) sona esithi kungavuleka izikhala ephalamende lakumakhansili, amaby-elections kumele enziwe phakathi kwenyanga ezintathu.

Inhlanganiso le ithi njalo akula lapho isisekelo esikhuluma khona ngokuthi isikhathi lesi singaqheliswa.

Inhlanganiso yeZESN layo iyakusola lokhu isithi uhulumende wavumela imihlangano yokuguqulwa kwesisekelo sombuso ngesikhathi umkhuhlane lo usabhahile kakhulu.

Ngakho ithi asikho isizatho sokuvimba ukhetho ngoba iCovid-19 isiyehlile kulezinsuku.

Ithi njalo eleZimbabwe kumele lilandele amanye amazwe aqhuba ukhetho lanxa kulomkhuhlane lo afana leMelika, eleSouth Africa, eleMalawi, iTanzania lamanye.

Izikhala ezinengi zivuleke ngemva kokuxotshiswa kwabameli beMDC Alliance nguNkosaza Thokozani Khupe lebandla lakhe leMDC-T.

Olwela amalungelo oluntu uMnu Difa Dube utshele iStudio 7 ukuthi uvumelana lenhlamnganiso zombili.

please wait
Embed

No media source currently available

0:00 0:01:36 0:00

Facebook Forum

XS
SM
MD
LG