amalinks wokungena

Breaking News

Ukungakhankaseli Ukhetho Kwe Zanu PF: Abanye Bathi Kukhona Okutshay' manzi


Emaphandleni eMatabeleland South Bathi Bayethuselwa

Loba nje uMongameli Emmerson Mnangagwa ehala esithi ukhetho luzaqhutshwa ngokuthula kungela kuqilibezela, abamabandla aphikisayo bathi lokhu kuyize ngoba ibandla leZanu PF kukhona elikuthembileyo nanku alikhankasi okukhomba ukuthi selibumbe amaqhinga yokuqilibezela kukhetho.

Uzulu emaphandleni eZansi yemaNdebeleni kubikwa elokhu ephethe esethuselwa.

Abamabandla aphikisayo bathi uzulu emaphandleni uhlezi ehlalele evalweni ngoba inkokheli Kanye labalandei bebandla leZanu PF bephethe besethusela izakhamizi.

Ngaphandle kokwethusela uzulu ngokuthatha amaphetshana aphiwa uzulu lapho eqeda kubhalisela ukuvota,Ibandla eliphikisayo ele MDC T lithi Ibandla leZanu PF lithethe abantu emaphandleni layababhalisa ukuvota emadolobheni njengendlela yokuqilibezela.

UMnu.Ekem Moyo isikhulumeli sebandla leMDC T ekhokhelwa nguMnu Nelson Chamisa uthi kulobuqili obenziwa libandla elibusayo.

Amazwi akhe agcizelelwe yisikhulumeli sebandla leZapu uMnu Iphithule Maphosa othe amathuba okukhankasela ukhetho kawalingani ngoba iZanu PF iphethe incindezela uzulu.

Inkokheli yebandla leMthwakazi Republic Party uMnu. Mqondisi Moyo uthi okudanisayo yikuthi akula manyathelo athathwayo ukuze kumiswe ukwethuselwa kukazulu emaphandleni.

Umgcinisihlalo webandla leZanu PF eZansi yemaNdebeleni uMnu. Rabelani Choeni kathandanga ukuphendula imbuzo lapho sixhumana laye ukuze sizwe umbono wakhe ngaloludaba.

Facebook Forum

XS
SM
MD
LG