amalinks wokungena

Breaking News

Ukusungulwa Komanyano Wabazancintisa Bezimele, owePOVO Kunga Kusitshoni?


Umfundisi Evan Mawarire

Enye yenhlanganiso eqhuba umkhankaso wokufundisa uzulu ngesisekelo sombuso, eye “ THIS CONSTITUTION ” Isola ukubunjwa komanyano wamalunga azancintisa ezimele kukhetho lukamanisipala e Harare owe People’s Own Voice – kumbe POVO, isithi lumanyano ujonge ukuphazamisa impumela yokhetho oluzokwenziwa kunyanga ezimbalwa ezilandelayo.

Lokhu kwehlukana kwemibono lamabandla ezombusazwe kuza ngemva kokuba abasakhulayo abalihlekana, bekhokhelwa ngumfundisi Evan Mawarire, bakubone kufanele ukuncintisa bezimele hatshi ukuba yingxenye yamabandla ezombusazwe njengalokho okujwayelekileyo.

Umqondisi wenhlanganiso eye ‘This Constitution’ uNkosazana Abigail Mupambi uthi osekusenzakala, kuzophazamisa impumela yokhetho ikakhulu nxa kukhangelwa amabandla aphikisayo.

UMupambi uthi okukhona yikwenza kwabantu asebethatheka ngodumo abathe baba lalo ngesikhathi beqhuba imikhankaso etshiyeneyo bezimele, osekubayenga ukuthi bathathe lelinyathelo lokuphatheka kukhetho bezimele hatshi ukuba yingxenye yamabandla aphikisayo.

Lanxa bengathandanga ukuthatshwa amazwi abo, bakhona njalo abathi ukusungulwa komanyano lo yimisebenzi yebandla le Zanu PF, elikhokhelwa ngumongameli Emmerson Mnangagwa, emizameni yakhe yokuphazamisa amabandla aphikisayo ukuze angaze anqoba kukhetho lwalunyaka kizo zonke inhlangothi zalo kusukela kolukamanisipala, olokukhetha abammeli bezigaba emadaleni awephalamende ku National Assemby laku Senate kanye lolokudinga umkhokheli welizwe.

please wait

No media source currently available

0:00 0:02:48 0:00

Facebook Forum

XS
SM
MD
LG