amalinks wokungena

Breaking News

Mutsvangwa: Sicela Lingene Ezitaladini Ukwenzela Ukuthi uMugabe Atshiye Umsebenzi


UMongameli Robert Mugabe, umkhokheli webutho uGeneral Constantino Chiwenga, izithunywa zikahulumende weSouth Africa uNkosikazi Nosiviwe Mapisa-Nqakula, loDr. Sydney Sekeramayi, umphathintambo wezebutho.
UMongameli Robert Mugabe, umkhokheli webutho uGeneral Constantino Chiwenga, izithunywa zikahulumende weSouth Africa uNkosikazi Nosiviwe Mapisa-Nqakula, loDr. Sydney Sekeramayi, umphathintambo wezebutho.

Umgcinisihlalo weZimbabwe National Liberation War Veterans Association, uMnu. Christopher Mutsvangwa, uthi uMongameli Robert Mugabe kumele atshiye umsebenzi lamuhla nxa engafuni ukuyangiswa ngabantu abazangena ezitaladini betshengisele besithi kabasamfuni.

UMutsvangwa utshele intathelizindaba ukuthi wonke umuntu uyacelwa ukuthi angene ezitaladini kusasa ukwenzela ukuba uMugabe asuke ngesiphangiphangi embusweni.

Uthi nxa uMugabe engafuni ukuphuma uzazibonela ngobunengi babantu abazangena ezitaladini beveze ukuthi kabasamfuni.

Uphinde wathi iZimbabwe yonke jikelele kumele kubelokutshengisela okuzasekelwa ngabebutho.

Uthe kukhanya engani uMugabe kafuni ukuphuma embusweni lobanje ibutho lihluthune intambo zombuso ngoLwesithathu.

XS
SM
MD
LG