amalinks wokungena

Breaking News

'Ukuvulwa Kwamavinkili Abezomvikela Kudida Ingqondo'


Some of the goods being sold in shops in Zimbabwe. (Photo: Bathabile Masuku)

Bayakhala abantu koBulawayo ngesinqumo esithethwe nguhulumende othi sokuzavulwa amavinkili amasotsha, amapholisa labanye abezomvikela.

Okunye okuthengiswa ezitolo eZimbabwe. (Photo: Bathabile Masuku)
Okunye okuthengiswa ezitolo eZimbabwe. (Photo: Bathabile Masuku)

Omunye wabachothoza isinqumo lesi nguMnu. Effie Ncube, unobhala wenhlanganiso yeNational Consumer Rights Association.

“Ungabona ilizwe selilezitolo ezakhelwe amasotsha kuphela ukuthi yiwo azathenga okutshiphileyo kuphela, uzulu asale endlaleni ehlupheka kutsho ukuthi ilizwe seliphelelwe sekuse sayilomu, sokufile konke. Akulandlela yokuthi uvuse ilizwe ngokwakhela amasotsha izitolo. Okumele kwenzakale yikuthi izitolo zonke kumele zithengise ngentengo efanayo elingene wonke umuntu hayi lokhu osokusenzakala kuyabonakala ukuthi uhulumende secitshelwe selahlekelwe kakhulu ukuthi angawuvusa njani umkhonomi weZimbabwe.”

Umbalisi ofundisa edolobheni leli, uNkosikazi Sikhangele Ndebele, uthi kudida ingqondo okwethulwe nguhulumende.

Impahla ezithengiswa emavinkilini ekoBulawayo. (Bathabile Masuku)
Impahla ezithengiswa emavinkilini ekoBulawayo. (Bathabile Masuku)

“Isinqumo esithethwe nguhulumende njengamahlabezulu thina asijabuli ngoba sinje singama civil servants leholo esiliholayo aleneli. Yindaba kumele abanye abantu bathenge izinto zitshiphile thina abanye sithenge zidula .Kanti ayisuye babawethu yini hanti ubaba kumele alinganise. Kanti laba abanye abangaphandle benzene? Kungcono ukuthi kuhlalelwe phansi kucabangisiswe ngendaba leyi ngoba sonke eZimbabwe singabantu.”

Isakhamuzi sakoBulawayo, uMnu. Ngqabutho Tshabalala, uvumelana laye. “Mina lendaba yokuthi amasotsha abelendawo yawo wodwa eyokuthenga angiyiboni kuyindaba ehlakaniphileyo kakhulu, ngibona lapha igovernment uphambanise kakhulu ngoba leyi into ayikho fair. If amasotsha ezaba lezawo izitolo bonke abasebenzela igovernment bezaba lezitolo zabo ezitshiyeneyo pho abazali balababantu bathenge ngaphi. Ngibona lokhu akuhlakaniphanga kakhulu abasicabangelanga njengomphakathi.”

LoMnu. Nkosi Fuzwayo uthi uhulumende kumele abekwazi ukuthi ngowabantu hatshi amasotsha kuphela.

“Igovernment yethu itshengisela ukuphelelwa ngalokhu efuna ukukwenza ayinakaneli umphakathi oyiwo oyivotelayo oyifaka kulesosihla”

Lokhu kusekelwa nguMnu. Sebenzile Mpofu. “Singabantwabakhe sonke akumelanga ukuthi anike amabutho lamapholisa kuphela sonke singabantwabakhe kumele asiphathe okufananayo, angakhangeli abanye ngcono kulabanye ngokuthi singabantwabakhe.”

Abakubandla leZanu PF bathi bayakusekela okwethulwe nguhulumende besithi kuveza ukuba wenza okufunwa nguzulu.

Bazondile Abantu Ngokwethulwe Nguhulumende
please wait

No media source currently available

0:00 0:03:38 0:00


Facebook Forum

XS
SM
MD
LG