amalinks wokungena

Breaking News

Liyaqansa Inani LabeZimbabwe Abahlala EBhilithane Abazibulalayo


FILE - A union flag is seen near the Houses of Parliament in London, Britain, April 18, 2017.

Izizatho zifana lokuswela amaphepha okuhlala lokusebenza kweleBhilithane ngokusemthethweni, isizungu, ukuhluphana kuzimuli, lokucelwa imali eyabe ingekho yizihlobo ezisekhaya eZimbabwe

Liyaqansa Inani labantu abazibulalayo kweleBhilithane eligoqela izizalwane zeZimbabwe ngezizatho ezifana lokuswela amaphepha okuhlala lokusebenza kulelolizwe ngokusemthethweni, isizungu, ukuhluphana kuzimuli, lokucelwa imali eyabe ingekho yizihlobo ezisekhaya eZimbabwe.

Lokhu kwasungulwa umnyaka lo sokulabantu abayisithupha abayizizalwane zeZimbabwe abazibuleleyo kweleBhilithane ngezizatho ezitshiyeneyo. Ngeviki ephelileyo uMnumzana Nelson Ndlovu uzibophele esambuzini endlini yakhe eRotherham etshiya unkosikazi labantwana ababili. Ubikwa engatshiyanga umbiko okhomba ukuthi uzibulalelani.

UMnumzana Beke Nkomo uthi laye uyakafikelwe yimicabango yokuthatha umphefumulo wakhe

“Mina ngihlukumezwa ngumfazi, uzenza ongcono kulami, kasangilaleli and wangibophisa ethi ngimtshayile. Abazali bami bayahlupheka ekhaya eTsholotsho and can't support them ngoba umfazi uhambisa imali kwabangibo and kangincedisi embuluza ngokuthi uyahola kulami. Sengihlupheke kakhulu and kuyake kufike ukuzibulala ngoba ngisebuhlungwini,” kutsho uMnu. Nkomo.

UMnumzana Norman Nyoni yena uthi waphosa waya kogoqwanyawo laye ezama ukuzibulala

“Nganatha amaphilizi ayi48 ngizama ukuthi ngithathe umphefumulo wami ngizibulale.Ngakho okwamanje ngilokhu ngivalelwe ngisesibhedlela lesi esabantu abagulingqondo balokhu bengivalele sengilomnyaka lokhe ngivalelwe lapha, “ kugcizelela uMnu. Nyoni.

Sikhulume lesikhwicamfundo semikhuhlane yengqondo UMnumzana Enock Ndimande yena othi abesilisa abanengi abafuni ukukhuluma ngokubakhathazayo yikho nje becina bezibulala

“Amadoda aweZimbabwe are so isolated balamaproblems balenkinga nje ezinengi okudinga ukuthi ingabe balalapho abangazitsho khona ngoba,into le eyokuzibulala hayi isithethe impilo ezinengi kodwa hatshi ayisikho kuloywa hatshi yimental illness and i mental illness leyi kufuze as a community we must attend to this problem.”

Kubanzima ukuthi amadoda aphumele egcekeni nxa ekhathazekile emoye ngenxa yenhloni lokuthi bazakhangelelwa phansi ngabantu. Ukuswela imali eyeneleyo, kanye lemisebenzi lakho kuthi ngikhona. Konke lokhu kubikwa kucina kubangela umkhuhlane wengqondo kukanti inengi alidingi uncedo ngoba lisithi kuyayangisa yikho nje isiphetho kuyikuzibulalala.

please wait

No media source currently available

0:00 0:02:37 0:00

Facebook Forum

XS
SM
MD
LG