amalinks wokungena

Breaking News

UMafume Uzaqhubeka Evalelwe Ngemva Kokwehluleka Kukamantshi Ukuya Enkantolo


Harare Mayor Jacob Mafume and Lawyer Tonderai Bhatasara

Umeya weHarare uMnu Jacob Mafume uzaqhubeka evalelwe esitokisini impelaviki yonke kulandela ukwehluleka kukamantshi ukuya enkantolo ngoMgqibelo lapho abemele ethule isinqumo sakhe phezu kwesicelo sikaMafume esokuthi akhululwe ngemali yesibambiso, i-bail.

Umantshi ohluza loludaba ubethembise ngoLwesihlanu ukuthi uzakwethula isinqumo sakhe ngelanga elilandelayo.

Kodwa igqwetha likaMafume uMnu Tonderai Batasara utshele iStudio 7 ukuthi bamangele sebetshelwa ukuthi umantsho lo kabuyanga emsebenzini.

Ngokunjalo, uthi sebezaphindela njalo enkantolo ngoMvulo.

UMafume ubotshwe ngoLwesithathu esetheswa icala lenkohlakalo elisukela kudaba lokuthengiselwa kukadadewabo isitanda ngumasipala weHarare.

Ibandla lakhe leMDC Alliance lithi lokhu yikuhlukuluzwa nje kukaMnu Mafume okusegcekeni okufana lalokho osokuke kwenzakala kwamanye amakhansila alo eChitungwiza laseHarare.

Kodwa ibandla leZanu PF ithi uhulumende ulwisa inkohlakalo. Lelibandla lithi manengi amalunga alo lawo aseke abotshwa ngenkohlakalo. Ngokunjalo, lithi lokhu ayisikho kuhlukuluzwa kwamalunga eMDC Alliance.

Khepha ingcwethi kwezombusazwe uMnu Effie Dlela Ncube uthi lanxa kunjalo, abanengi ababotshwayo ngabeMDC, khona athi kulokwenza lezombusazwe ukwedlula ukulwisana lenkohlakalo.

please wait

No media source currently available

0:00 0:02:10 0:00

Facebook Forum

XS
SM
MD
LG