amalinks wokungena

Breaking News

Umahluli Ulahla Udaba lukaMuzhuzhu


MDC
Idale laphezulu eleHigh Court selilahle udaba lwenye intathelizindaba ebidinga ukuhlawulwa inkulungwane ezingamakhulu amane yiMDC-T isithi yiyo eyaphuma legama lalelibandla ekusungulweni kwalo.

Ngalokhu, uMnu David Muzhuzha, yena oke waba wasebenzela iphephandaba lezisebenzi, eleThe Worker ubesithi lelibandla kumele limhlawule.

Kodwa umahluli uJoseph Mafurise ululahlile lolu daba ngoLwesithathu esithi umamangala wehluleke ukuletha ubufakazi obugcweleyo phambi kwedale.

Uphinde wamlaya njalo ukuthi ahlawule indleko yonke yomthethwandaba ebekhona phezu kokuthethwa kwaloludaba.

Umsekeli wesikhulumeli seMDC-T uMnu Joel Gabuza uthi bebevele bekwazi njengebandla ukuthi udaba lukaMuzhuzha belungasoze lume ngezinyawo phambi komthethwandaba.

"UMuzhuzhu ubengumuntu obedinga ukuphilisa imuli yakhe laye, kodwa besikwazi njengebandla ukuthi udaba lwakhe kalulamnkantsho," kutsho uGabuza.
XS
SM
MD
LG