amalinks wokungena

Breaking News

Umthethwandaba Walela uHopewell Chin'ono Ukuthi Ahlawule Isibambiso Sebail


Amagqwetha amele uHopewell Chin'ono agoqela uNkosikazi Beatrice Mtetwa.

Umahluli wedale leHigh Court walile ngoLwesihlanu ukuthi intathelizindaba, uHopewell Chin’ono, ahlawule isibambiso sebail.

Igqwetha lakhe, uNkosikazi Beatrice Mtetwa, utshele intathelizindaba eHarare ukuthi basahlolisisa isinqumo sikamahluli ukwenzela ukuthi babone elinye icebo lokuzama ukuthi uChin’ono akhitshwe entilongweni.

“Ngithemba limzwile umahluli encitsha uHopewell ibheyili. Sisanda kuyiphiwa ijudgment sizayibala sithole ukuba injongo yini. Asingeke sitsho kulesisibanga ukuba sizakwenzani sisuka lapha.”

Okwenzakale emthwathandaba weHigh Court ngoLwesine eHarare.
Okwenzakale emthwathandaba weHigh Court ngoLwesine eHarare.

Uthe kuyamangalisa ukuba uncitshwe ibheyili yona elilungelo lomuntu wonke kusisekelo sombuso welizwe leZimbabwe.

“Sidane kakhulu njalo simangele kakhulu ukuba uncitshwe ibheyili yona elilungelo lomuntu njengalokhu okusisekelo sombuso. Wonke umuntu uyakubona ukuba labo abenza inkohlakalo bakhululekile kuthi labo abazama ukuyilwisa bayabotshwa.”

Kolunye udaba, umkhokheli webandla leTransform Zimbabwe, uMnu. Jacob Ngarivhume, utshelwe ukuba isicelo sakhe sebheyili sizamiswa phambi kwedale ngoLwesihlanu.

Facebook Forum

XS
SM
MD
LG