amalinks wokungena

Breaking News

UMajor General Trust Mugoba Ungcwatshwa eNational Heroes Acre


Ukungcwatshwa kukaUMajor General Trust Mugoba
Ukungcwatshwa kukaUMajor General Trust Mugoba

UMajor General Trust Mugoba onikezwe inhlonipho yeqhawe lesizwe, obhubhe mhla ka 6 Mpandula ngemva kokugula okwesikhathi esifitshane ungcwatshwe emathuneni awe National Heroes Acre ngoLwesithathu.

UMugoba owayengumkhokheli weviyo labakubutho engu Chief of Staff for the African Standby Force esigodlweni senhlanganiso yeAfrican Union eAddis Ababa, kweleEtheopia ubhubhe langa linye lowayengumongameli Robert Mugabe kwale Singapore.

Umongameli Emmerson Mnangagwa emngcwabeni kaUMajor General Trust Mugoba
Umongameli Emmerson Mnangagwa emngcwabeni kaUMajor General Trust Mugoba

Wemukelwe ngenjabulo enkulu umongameli Emmerson Mnangagwa lapho efika lesidumbu e National Heroes Acre embuthanweni wokuvalelisana loMugoba. U Mnangagwa utshele alumbuthano ukuba isizwe silahlekelwe kakhulu ngemva kokubhubha kowayengumongameli umnumzana Robert Mugabe lo Major General Trust Mugabe.

“Isizwe silahlekelwe ngokuphindiweyo.Izehlakalo zaloluhlobo ezidanisayo, zisikhumbuza leso sikhathi lapho sasilwa impi yekululeko sihluphana labelungu ababesihluthunele ilizwe, silwela ukuthola ilungelo lethu lokuthi sizibuse ”.

Omunye wabasebenza lomuyi uMugoba okwesikhathi eside, osengumphathintambo wezobudlelwano labamanye amazwe u Retired General Sibusiso Moyo uchaza umuyi njengomuntu owayezinikele emsebenzini wakhe.

“UMugoba yebo ngumuntu engasebenza laye iminyaka eminengi, yindoda eyayihlakaniphile sibili. Ihlakaniphe ezombuthweni njalo ihlakaniphe ezesikolo ”.

U Moyo uthi u Mugoba kwakuyindoda eyayilesibindi.

“U Trust Mugoba wayengu Commander owayelesibindi, ngu Commander ephapha ngama parachutes e lenda esiyangena even lapho okuyabe kuhlaselwa khona, izindawo ezazithe xaxa, u Mugoba wawuzamthola engena khonapho engelandaba, ngenjongo yokuthi wayelwela ukuthi ama National Interest elizwe abe secured ”

Umuyi u Major General Trust Mugoba owayesaziwa ngelempini elokuthi Cde Joseph Zulu, abemuli bona bembiza ngokuthi Maphumaphezulu loba Silandulo utshiye umkakhe uNkosikazi Peddie Mugoba labantwana abayisitshiyagalolunye labazukulu abathathu.

please wait

No media source currently available

0:00 0:03:06 0:00
XS
SM
MD
LG