amalinks wokungena

Breaking News

Umakhelwane Ka Oscar Pistorius Uthi Wezwa Umkhosi Wesilisa


Oscar Pistorius looks back as he arrives at the high court in Pretoria, May 6, 2014.
Abamela u Oscar Pistorius umgijimi wakwele South Africa olenyawo zokuzibazela owetheswa icala lokubulala intombi yakhe, u Reeva Steenkamp lamuhla babize ababengomakhelwane ka Pistorius ekuqhubekeni kokuthoniswa kodaba lolu emthethwandaba we Pitoli.

Ababili, uMike Nhlengethwa lonkosikazi wakhe u Eonthle bagcizelele ubufakazi bokuthi bezwa izwi lomuntu wesilisa ehlaba umkhosi hatshi elesifazane njengalokhu okwatshiwo ngabafakazi ababizwa ngumtshutshisi.

Laba bebengabanye bamokhelwane baka Pistorius abahlala bucwadlana lendlu adubulela uSteenkamp abangafihlanga ukuthi bangabangane lomamangelelwa.
Abafakazi abangomakhelwane ababizwa ngumtshutshisi bahlala khatshana mbijana lo Pistorius.

UPistorius wetheswa icala lokubulala uSteenkamp nyakenye ngelanga le Valentine’s day. Kalanduli ukuthi wabulala intombi yakhe kodwa uthi wayecabangela ukuthi lisela elingene endlini okwalwa ngumthethwandaba.

Umtshutshisi, uGerry Neil wampheka ngemibuzo uPistorius ngenyanga edluleyo wacina eziphikisa yedwa okwenza ubufakazi bakhe bungamukeleki.
Loludaba luzaqhubeka njalo ngoLwesine.
XS
SM
MD
LG