amalinks wokungena

Breaking News

UMaKhupe Omangalele iMDC-T Uthi Akumelanga Icele Lika Mwonzora Litshayele Esikhewini iZWL$149 Million Abayinikwe Nguhulumende


UNkosazana Thokozani Khupe okubandla leMDC-T. (Courtesy Photo: Khupe WhatsApp)

Icele leMDC-T elikhokhelwa nguNkosazana Thokozani Khupe namuhla liphanyeke emthethwadaba udaba lokuzama ukumisa elika Mnu. Douglas Mwonzora ukuba lingasebenzise imali elisanda kuyiphiwa nguhulumende phansi komthetho owePolitical Parties (Finance) Act.

Umcebisi kaMaKhupe, uMnu. Ntando Ndlovu, uthi umahluleli wedale leHigh Court uthembise ukuba uzakwethula isinqumo sodaba lolu ngokutshetsha kulandela okwethule nguMaKhupe labakucele lika Mwonzora.

Icele lika Mwonzora linikwe nguhulumende izigidi ezifika phose ikhulu lengxenye yamadola eZimbabwe ZWL$149 million.

UMaKhupe uthi bekumele lecele lakhe liphiwe imali le. Kasenelisanga ukuxoxa ngodaba lolu loMnu. Witness Dube, ophethe uhlangothi lokwethulwa kwemibiko kucele leMDC-T ekhokhelwa nguMwonzora. UNdlovu utshele iStudio 7 ukuthi akwaziwa okuzakwethulwa lidale leHigh Court.

Umcebisi kaNkosazana Thokozani Khupe Ukhuluma Ngokwenzakale Emthethwandaba
please wait

No media source currently available

0:00 0:01:27 0:00


Facebook Forum

XS
SM
MD
LG