UMaKhupe Usexotshise Amanye Njalo Amalunga eMDC Alliance Alitshumi Ephalamende

Ibandla leMDC-T elikhokhelwa nguNkosazana Thokozani Khupe ngoLwesine lixotshise amanye njalo amalunga eMDC Alliance alitshumi edale lephalamende.

Lokhu kutsho ukuthi abebandla likaMnu Nelson Chamisa asebexotshiswe kulelidale nguMaKhupe kanye lamakhansila sebesedlula amatshumi amathathu.

Abaxotshwe ngoLwesine laba babalisa omunye wabasekeli bakaChamisa njalo engumeli weManicaland uNkosikazi Lynnett Karenyi Kore, umeli weBinga North uMnu Prince Dubeko Sibanda, umeli weMufakose uSusan Matsunga loEthrage Kureva oweEpworth.

Abanye njalo nguCaston Matewu oweMarondera, uWellington Chikomo oweGlenorah, uEric Murayi oweHighfield East, uUnganai Tarusenga oweSt Marys, uDorcas Sibanda owakoBulawayo loConcillia Chinanzvavana owesigaba seMashonaland West.

Ukuxotshiswa kwabeMDC Alliance lokhu kuza ngesikhathi iMDC-T isanda kuhluthunelwa isigodlo seHarvest House ngabasakhulayo beMDC eyayikhona ngo2014 abathi uMaKhupe loChamisa kumele bakhulumisane.

Omunye wabaxotshiweyo uMnu Prince Dubeko Sibanda utshele iStudio 7 ukuthi okwenziwe yiMDC-T kuveza sobala ukuthi uMaKhupe labanye bakhe basebenza leZanu PF emizameni yokudiliza ibandla labo.

Embed share

Ingxoxo loMnu Prince Dubeko Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:01 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Kodwa abeMDC-T labeZanu PF bayakulandula lokhu.