amalinks wokungena

Breaking News

UMaKhupe Uthi Ibandla Lakhe Selehlukene Lecele likaChamisa


Ozithi nguye umkhokheli weMDC-T oqotho uNkosazana Thokozani Khuphe uthi icele lakhe selehlukene lecele elisekela abangisana laye ubukhokheli balelibandla uMnu Nelson Chamisa.

Ekhuluma emhlanganweni awenzele eAmphitheatre koBulawayo ngeSonto, uMaKhuphe uthe bazakwenza umhlangano omkhulu wokukhetha abakhokheli abatsha bebandla lakhe, iExtra-Ordinary Congress ngoMabasa.

Abasekeli bakaNkosazana Thokozani Khupe besemhlanganweni awenzele koBulawayo ngeSonto.
Abasekeli bakaNkosazana Thokozani Khupe besemhlanganweni awenzele koBulawayo ngeSonto.

UMakhupe wengeze wathi kabasoze bazihluphe ngalabo athi bephule isisekelo sebandla ngokukhetha uChamisa ukuthi akhokhele iMDC-T lanxa isisekelo lesi sikubeka sobala ukuthi uMaKhupe nguye obemele elame uMnu Morgan Tsvangirai.

“Sithi bakithi sokukwanile, sokwanele. Lathi sesithe kungcono ukuthi sibone ukuthi siyazihambela lathi sodwa ngoba akulamuntu oyalelwayo. Asingeke sisebenze labantu abalodlakela,” kutsho uMaKhupe.

please wait

No media source currently available

0:00 0:03:05 0:00

UMnu Chamisa yena wenze owakhe umhlangano labakhokheli bamabandla akuMDC Alliance eGweru lapho akhuthaze khona uzulu ukuthi avotele umanyano lo ngobunengi.

Uchothoze uhulumende kaMongameli Emmerson Mnangagwa esithi ugcwele abantu abangethembekanga. Ngakho, uthe uzulu kamelanga ebavotele kukhetho oluzayo.

Abasekeli beMDC-T besemhlanganweni weMDC Alliance eGweru ngeSonto.
Abasekeli beMDC-T besemhlanganweni weMDC Alliance eGweru ngeSonto.

Lanxa sokusobala ukuthi ibandla leMDC-T selidabuke phakathi, Ingcwethi kwezombusazwe uDr Nkululeko Sibanda uthi imizamo yokukhumisa uMaKhupe loChamisa umlotha isalakho ukuphumelela.

please wait

No media source currently available

0:00 0:03:03 0:00

Facebook Forum

XS
SM
MD
LG