amalinks wokungena

Breaking News

UMangwana Uxolisile Ngemva Kokugcona Odokotela Esithi Babulala Amalunga eZanu PF Ezibhedlela


Government spokesman Ndavaningi Nick Mangwana says Harare has deployed army engineers to ensure that damaged roads and bridges are fixed so that assistance can reach the needy, March 18, 2019.

Isikhulumeli sikahulumende uMnu Nick Mangwana sexolisile kubodokotela phezu kwamazwi akhe okuthi kulabanye odokotela abazonda iZanu PF abangaba bebulala iziphathamandla zebandla lakhe ezibhedlela ngabomo kulandela ukubhubha kwezinengi zazo ngomkhuhlane weCovid-19 ngeviki ephelileyo.

Amazwi la asolwe zinhlanganiso ezimela abezempilakahle kanye leyamagqwetha, iZimbabwe Lawyers for Human Rights (ZLHR).

Kumbiko awethule ngoMvulo enkundleni yeTwitter, uManagwana ucele uxolo esithi ubengajonganga ukuzondisa kumbe ukuhlambaza odokotela.

Olwela amalungelo oluntu uMnu Mbuso Fuzwayo utshele iStudio 7 ukuthi lama uMangwana esexolisile, amazwi akhe alomthelela omubi kubodokotela.

please wait

No media source currently available

0:00 0:02:00 0:00

Isiphathamandla seZanu PF uMnu Believe Gaule usole amazwi kaMangwana njalo wamxolisela kubodokotela lakuzulu jikelele.

please wait

No media source currently available

0:00 0:02:12 0:00

Kusenjalo, ugatsha lwendaba zasekhaya lwethule umbiko lusola abantu abethula imbiko yamanga ngokubhubha kumbe ukugula kweziphathamandla zikahulumende ngomkhuhlane weCovid-19.

Ugatsha lolu luthe ingamanga imbiko eke yaphuma enkundleni zokuxhumana isithi kufe iziphathamandla zeZanu PF ezibalisa uMnu Patrick Chinamasa, uMnu Mike Nyambuya loMnu Victor Matemadanda.

Unobhala kulolugatsha uMnu Aaron Nhepera uthe njalo kungamanga ukuthi umsekeli kaMongameli welizwe uMnu Constantio Chiwenga uthwalelwe kweleChina egula kanye lokuthi uMnu Kembo Mohadi laye uphethwe yiCovid-19.

Facebook Forum

XS
SM
MD
LG