amalinks wokungena

Breaking News

Umanyano weMDC Alliance Uthembisa Ukuvuselela Umnotho Welizwe KuManifesto


UMnu. Nelson Chamisa
UMnu. Nelson Chamisa

Umanyano wamabandla aphikisayo owe MDC Alliance ngoLwesine wethule ugwalo olulezithembiso zabazakwenza nxa bengangena embusweni iManifesto yabo phansi kwesihloko esithi Suistanable Modern Agenda for Real Transformation (SMART).

ISMART yona ithembisa ukuthuthukisa eleZimbabwe ngesikhathi esifitshane nxa abantu bangakhetha uMnu. Nelson Chamisa, umkhokheli weMDC Alliance ekhethweni lukamongameli.

Ekhuluma ekwethulweni kwali Manifesto, isikhulumeli seMDC Alliance uMnu. Welshman Ncube uthe konke okutshiwo yilolugwalo kungenzeka embusweni weMDC Alliance ngoba okwenza ilizwe lingaphumeleli yikuthi abantu abaseZimbabwe labaphetsheya abathembi uhulumende weZANU PF ngemali njengoba kunguye owabulala ilizwe.

“Asilahlanga ezinye ingwalo esazibhala kudala njengoba sakhe sivela kizo. Ungabakwazi ukuthi okwenza inotho yelizwe yawa sadlulwa ngamanye amazwe ayengemuva kangaka uzananzelela ukuthi kuyalungiseka masinya. Ngoba inotho yelizwe yawa ngenxa yokuswelakala kombuso onaka abantu, umbuso osenza sibelobudlelwano obuhle, umbuso owawuthatha izikwelede kakhulu.

Ungakulungisa khonokho kuphela kuyalunga. Akula muntu ophikisa ukuthi umumo weZimbabwe uyenelisa ukuthi sithuthuke ngokuphangisa, okungekhoyo yibukhokheli kuphela. Ungakulungisa khonokho masinya masinya siyaphumelela,” kutsho uNcube.

Omunye wamalunga awe MDC Alliance, uNkosikazi Princess Nyathi uthe ugwalo lolu luthembisa ukulungisisa ilizwe njalo bayalwemukela ngenjabulo.

Kutsho uNyathi: “Ugwalo lolu kithi thina abantu beZimbabwe luthembisa impilo, luthembisa ukubisela ilizwe lapho elalikhona lingakabulawa. Ugwalo lolu lubisela into enye leyinye endaweni yayo.”

Umongameli we bandla leTransform Zimbabwe engelinye ilunga lomanyano weMDC Alliance, uMnu. Jacob Ngarivhume uthi balethemba lokuthi kungenzeka konke okuhenjiswa yile iManifesto.

“Senelisa ukuphuma logwalo lolu ngemva kokubuzisisa kwabanye njalo thina njenge Transform Zimbabwe sithabe kakhulu ngalolu gwalo. Silethemba lokuthi uzulu weZimbabwe uzaba lesikhathi sokulufunda aluthonisise. Thina sizakuthatha siqondise mayelana lezifiso zabo,” kutsho uNgarivhume.

Ugwalo lolu luthi uhulumende walumanyano ukhangelele ukulungisa inotho yeZimbabwe ifike USD100 Billion lapho kusiya fika umnyaka ka 2029.

LiManifesto ithembisa ukuba uhulumende kaChamisa uzahlaula abamhlophe axotshwa emaplazini ngodlame nguhulumende kaMnu. Robert Mugabe.

Ngomthetho oweIndigenisation ithi uzakwesulwa ukuze abakwamanye amazwe bakhululeke ukutshala imali elizweni lokusungula amabhizimusi ukuze ilizwe lithuthuke.

IManifesto eye MDC Alliance yethulwa ngemva kokwethulwa kweyabebandla leZANU PF lecele leMDC T ekhokhelwa nguNkosazana Thokozani Khupe.

Abamabandla wonke akumanyano oweMDC Alliance labameli bamazwe aseEurope le nhlanganiso ye European Union (EU) bebekhona emkhosini walamhlanje.

please wait

No media source currently available

0:00 0:04:52 0:00

XS
SM
MD
LG