amalinks wokungena

Breaking News

Umanyano weMDC Alliance Wethula Ugwalo Lwezithembiso, iManifesto


Umnu. Nelson Chamisa
Umnu. Nelson Chamisa

Umanyano weMDC Alliance namuhla uzakwethula ugwalo lwezithembiso othi uzazenzela uzulu weZimbabwe nxa enga engangqoba kukhetho.

Ozamela umanyano lo kukhetho lokudinga umongameli uMnu. Nelson Chamisa nguye ozakwethula lolugwalo, olwaziwa ngokuthi yimanifesto ngesingisi, eJubille Christian Center eHarare ngehola letshumi ekuseni namuhla.

Imanifesto le ilesihloko esithi “New Zimbabwe Pledge for a Sustainable and Modern Agenda for Real Transformation,” kumbe iSMART ngamafitshane. Umanyano wePeople’s Rainbow Coalition okhokhelwa nguNkosazana Joice Mujuru wona wethule eyawo imanifesto kumaviki ambalwa edluleyo.

Amabandla asethuelele uzulu ugwalo lwezithembiso agoqela icele leMDC-T elikhokhelwa ngunkosazana Thokozani Khupe eleZanu PF kunye lele Zapu. Sibuze ingcwethi kwezombusazwe uMnu Effie Dlela Ncube ukuthi kuyini kahle-kahle okukhangelelwe nguzulu kuzithembiso zamabandla ombusazwe kuyiwa kukhetho nje.

“Into yakuqala kumele kulungiswe ieconomy ezomnotho, kuvuleke imsebenzi, kuvulwe ama industry, kube lula ukuvula amabhizimusi elizweni, okwesibili kuvuswe ezemfundo okwesibili kuvuswe ezempilakahle,” kutsho uNcube.

please wait

No media source currently available

0:00 0:04:52 0:00

XS
SM
MD
LG