amalinks wokungena

Breaking News

Ikhosikazi Lika Constantino Chiwenga Ebelisentilongweni Liphiwa Isibambiso Sebail Esifika $60,000


FILE: Ngesikhathi lusavutha uthando ... UMarry Chiwenga loRetired General Constantino Chiwenga.

Ikhosikazi lomsekeli kamongameli welizwe leZimbabwe ocatshangelwe ukuthi wayefuna ukubulala umyeni wakhe usephiwe imvumo yokuthi ahlawule isibambiso sebail esifika inkulungwane ezilitshumi – 10,000 RTGS.

UMarry Mubaiwa, okuthiwa wayefuna ukubulala uRitired General Constantino Chiwenga ngesikhathi egula kwele South Africa nyakenye, ucelwe njalo ukuthi kumele anike umthethwandaba isibambiso sendlu kayise logwalo lokwethekelela amanye amazwe njalo avezele umthethwandaba lapho okumele ahlale khona icala leli lize lifike emaphethelweni.

Kwamanye amacala abhekane lawo, agoqela elokusebenzisa imali yeZimbabwe okungekho emthethweni phandle kwelizwe lokuhuquluza imali yabanikazi, uMubaiwa uvunyelwe ukuthi ahlawule isibambiso sebail esifika inkulungwane ezingamakhulu amahlanu – 50,000 RTGS.

Igqwetha lakhe, uAdvocate Sylvester Hashiti, uthi udaba lolu lukhangelele ukuthi luzathoniswa mhla zilitshumi lane kuZibandlela.

UMubaiwa ubesehlezi entilongweni phose amaviki amathathu.

Ingwethi ecubungula ezombusazwe, uMnu. Machaphulana Mancitshana, uthi uMubaiwa kasoze athole ukukhululeka nxa ethoniswa esuka ngekhaya.

“Angiboni uMarry (Mubaiwa) ezathola inkululeko kulokhu akwetheswayo ngoba uhluphana lomkakhe. Umthetho okwakhathesi uphethwe nguChiwenga ozasebenzisa amandla akhe ukumbisela ejele loba ukumkhulula.”

UMarry Mubaiwa loChiwenga sebefuna ukwehlukana. Bathi umtshado wabo kawusalungiseki.

UMarry Mubaiwa Usephiwe Isibambiso Sebail
please wait

No media source currently available

0:00 0:02:58 0:00


Facebook Forum

XS
SM
MD
LG