amalinks wokungena

Breaking News

UMeya Solomon Mnguni WakoBulawayo Wabela Abaswelayo Izipho zeChristmas Cheerfund


UMeya wakoBulawayo uMnu. Solomon Mguni unika abaswelayo ukudla.
UMeya wakoBulawayo uMnu. Solomon Mguni unika abaswelayo ukudla.

Imizi egcina intandane kanye lezinye inhlanganiso eziphathisa abaswelayo banikezwe izipho ezigoqela ukudla, imphahla lokunye okwehlukeneyo yikhansili yakoBulawayo ngaphansi kohlelo luka Mayor wako Bulawayo olwe Christmas Cheerfund.

Lokhu kwenziwa minyaka yonke ngesikhathi sekhefu leKhisimusi ukuze abantu abadubekileyo labo benelise ukujabula ngesikhathi sekhefu leli.

Okunye ukudla okunikwe uMeya wakoBulawayo uMnu. Solomon Mguni akunike abantu.
Okunye ukudla okunikwe uMeya wakoBulawayo uMnu. Solomon Mguni akunike abantu.

Lonyaka banikezwe izipho ezibiza inkulungwane phose ezingamatshumi amane zamadola (USD37 600) zisabelwa abantu abazinkulungwane ezine lengxenye (4500).

UMeya wakoBulawayo uKhansila Solomon Mnguni uthe lolusizo bakhangelele ukuthi lwengezeleleke. Ubonge umphakathi owenelise ukwelula izandla ephathisa.

“Namhlanje besinikeza impahla ezidonatwe ngabahlali bakobulawayo Kanye labahlali bakoBulawayo impahla. Lonyaka sicine sifika ku37000 sasikhangelele ukuthi kube le50000 njalo sikhangelele ukuthi sithole okunengi ukuze senelise ukuphathisa abantu abanengi”

Obemele inhlanganiso yeNtembeni Old Peoples Home unkosikazi Jessica Matarima enye yenhlanganiso ezithole usizo uthi bajabule kakhulu ngezipho lezi.

UMnu. Solomon Mguni unika abantu ukudla.
UMnu. Solomon Mguni unika abantu ukudla.

“Siyajabula namhlanje kakhulu ngokuthola idonation leyi evele kuMayor. Izasisiza kakhulu ukuthi sigcine okhulu labogogo bethu”.

Unkosikazi Sidanile Tshabalala obemele inhlanganiso yeKuphumuleni Old Peoples Home uthi labo bajabule ngalolu sizo ethi luzaphathisa ekugcineni ogogo labokhulu ababagcinileyo.

“Usizo lolu esiyabe silutholile luyasincedisa kakhulu ekugcineni abadala abagula imkhuhlane ehlukeneyo. Ikakhulu khathesi izinto sezidula kakhulu”.

Ikhisimusi yalonyaka ibebuhlungu kakhulu ebantwini bonke elizweni jikelele ngenxa yokusilela kokunye ukudla lempahla ezitolo, ukusilela kwemali emabhanga, ukusilela kwamafutha ezimotha kanye lokuqonga kwentengo.

please wait

No media source currently available

0:00 0:03:01 0:00
XS
SM
MD
LG