amalinks wokungena

Breaking News

Ibhetshu Likazulu Lidla Amahabula Ngodaba Lombhuqazwe weGukurahundi


Bafuna kulungiswe udaba lokubulawa kwabantu livuyo leGukurahundi.

Amalunga enhlanganiso ezimele yodwa eye Ibhetshu Likazulu atshengisele koBulawayo lamuhla ekhumbula abantu ababulawa ngesikhathi sombhuqazwe weGukurahundi. Lokhu kwenziwe ngelanga lapho okwalobelwana khona isivumelwano sokukhumisana umlotha phakathi kwebandla leZanu PF lele PF Zapu.

Abatshengisele emigwaqweni bathe akusoze kubelokuthula eZimbabwe nxa uMongameli Emmerson Mnangagwa labanye bakhe bengalungisanga udaba lwe Gukurahundi.

Bathi umanyano weGukurahundi kumele ulungiswe ngesiphangiphangi.
Bathi umanyano weGukurahundi kumele ulungiswe ngesiphangiphangi.

Umqondisi wenhlanganiso ye-Ibhetshu Likazulu, uMnu. Mbuso Fuzwayo, ohlangane labantu eStanely Square sebeqede ukutshengisela emigwaqweni, uthe inkonzo abayenze kuleyo ndawo ijonge ukukhumbula abantu ababulawa livuyo leFifth Brigade labesifazana abadlwengulwayo ngesikhathi sombhuqazwe weGukurahundi.

Uthe lamuhla yilo usuku lwabantu beMatabeleland lokuthi bakhumbule izihlobo zabo.

UNkosikazi Patricia Tshabalala, omunye obetshengisela, uthe akula manyano phakathi kwebandla leZanu PF le Zapu nxa uMnangagwa engalungisanga udaba lweGukurahundi.

Udaba Esilethulelwe NguBathule Masuku
please wait

No media source currently available

0:00 0:02:43 0:00

Uthe kusobala ukuthi umanyano wamabandla la wenzelwa ukuthi kuncindezela isizwe sika Mthwakazi.

Osakhulayo, uMnu. Marvelous Ndiweni, uthe kukhatshana kahulu ukuthi kube lokukhumisana umlotha nxa kungaqondiswanga udaba lweGukurahundi njalo abasoze bathola ukuphumula nxa amathambo ezihlobo zabo elokhe esabalele egangeni.

Bayakhala abantu eZimbabwe ngombhuqazwe weGukurahundi.
Bayakhala abantu eZimbabwe ngombhuqazwe weGukurahundi.

Uthe kumele kube lohlelo lokukhuluma iqiniso ukuze kwaziwe ukuthi kuyini ukwenzakalayo labalamacala okubulala abantu bathonisiswe.

Ukuhlaziya udaba lwesivumelwano se Unity Accord, uSithandekile Mhlanga weStudio 7 uxoxe loMnu. Max Mnkandla owalwa impi yenkululeko ekuviyo leZIPRA. UMnkandla uthi sekulempawu ezikhomba ukuthio isivumelwano lesi singahlonitshwa phansi kombuso kamongameli Mnangagwa, ikakhulu ekwabiweni kwezikhundla.

Ingxoxo LoMnu. Max Mnkandla
please wait

No media source currently available

0:00 0:02:45 0:00

Umuyi uJoshua Mqabuko Nkomo loMnu. Robert Mugabe balobelana isivumelwano esibizwa ngokuthi yi-Unity Accord mhlaka 22 ngoMpalakazi ngomnyaka ka1987 kulandela ukulwisana phakathi kwamabandla la uMugabe esithi uvimba amalwecatsha ayesithi adlelana lebandla lika Nkomo.

IGukurahundi kubikwa ukuthi yabulala abantu abazinkulungwane ezingamatshumi amabili – 20,000 – eMatabeleland leNkabazwe kusukwela ngomnyaka ka1983 kusiyafika umnyaka ka1987.

UMugabe wathi leso kwakuyisikhathi sokuhlanya kukahulumende wakhe kodwa kazange axolise ngodaba lolu.

Facebook Forum

XS
SM
MD
LG