Umbikiso wezokuthengiselana oweZimbabwe International Trade Fair ogqhitshwa ngoMgqibelo koBulawayo ubikwa uphose waphazamiswa yisimo somnotho esibi elizweni.
Loba kunjalo, abanye abakade besembukisweni lo abagoqela uMnu. Adrian Adams, omele uhlangothi lwezamafekithali lokuthengiselala kwele South Africa, uthi amankampani angamatshumi amathathu akade esembukisweni lo avele elizweni lakhe ayenelisile ukuthola akufunayo kwezamabhizimusi.
Omunye njalo nguNkosazana Carolyn Chirima wenkampani ye BazTech othi sebeyenelise ukukhanda ubudlelwano lenkampani efuna ukuthenga imitshina etshiyeneyo abayithengisayo.
Ababili laba bathi basuthiseke okwamagama ngokubuya lonyaka embukisweni lo. Bathi bazabuya njalo ngomnyaka ozayo.
Kulamankampani emazweni ambalwa asembukisweni lo lamanye amanengi aweZimbabwe.
Omunye wabahambe bayabuka okuseZ-I-T-F nguMnu. Sam Ncube, usomabhizimusi wakoBulawayo otshele uGibbs Dube weStudio 7 ukuthi kukhanya engani umbikiso lo kade ungafanani lowanyakenye.