amalinks wokungena

Breaking News

Umbukiso weZITF Uzakwenziwa Kusukela Mhlaka 23- 25 Ncwabakazi


ZITF
ZITF

Umbukiso wezamabhizimusi lokuthengiselana, owe Zimbabwe International Trade Fair owawukhangelwe ukwenziwa ngo Ntulikazi wadluliselwa phambili ngenxa yokumemetheka kweCoronavirus, usuhlelwe ukuqhutshwa kusukela mhlaka 23 Ncwabakazi kusiyafika umhlaka 25.

Ingugquko elethwe lubhubhane lweCovid-19, isiyenze ukuthi kufakwe imigoqo yokuthi labo abazaphatheka embukisweni lo babe lencwadi ezitshengisa ukuthi abala gcikwane leCovid-19 njalo sebehlatshiwe ngokugcweleyo.

Uzulu wakoBulawayo wamukele ngenjabulo ukuthi umbukiso weZITF, usuzaqhuqhutshwa njengokuhlelwa kwawo ngoba ukhangelelwe ukuthuthukisa ezomnotho welizwe.

Umphathintambo wesabelo seBulawayo Metropolitan uNkosikazi Judith Ncube uthi umbukiso lo uzathuthukisa ibhizimusi koBulawayo.

“Nxa umbukiso lo owe ZITF uzakwenziwa lapha koBulawayo thina njengoBulawayo sithokozile kakhulu ngoba kuzaletha i business. Yebo siphakathi kwe Covid19 kodwa singekela ukuzihlela kuhle siphume lama strategies lendlela zokuzivikela sizangenelwa yibuyanga. Kuyinto enhle ukuthi iZITF izakuba khona ngoba ibike ya postponer phambilini kodwa ke khathesi sekumele sifunde ukuthi ukuze umnotho welizwe ungawi lanxa kule Covid19 senze njani, lokhu kusenza sihlakaniphe ukuze si save inotho yethu.”

Umsekeli kaMayor wako Bulawayo ukhansila Mlandu Ncube uthi ikhansili yakhe izahlala ihlomile ngesikhathi se Zimbabwe International Trade Fair ukuba ikhangele okungabe kuphathelane leCovid-19.

“I-ZITF luhlelo oluqakathekileyo koBulawayo ngoba lunika osomabhizimusi ithuba lokuba batshengise impahla zabo ngapha bedinga amanye ama customer. Kodwa ingozi ekhona lonyaka yikuthi siphakathi komkhuhlane we Covid19 njalo sicela ukuthi abantu bananzelele. Njengedolobho, iCovid response team iyabe izahla iready ukuthi ikhangele ama issues lawa. Sicela abantu bezigcine kahle benanzelele umkhuhlane.”

Umqondisi wenhlanganiso eye Bulawayo Vendors and Traders Association (BVTA), umnumzana Mike Ndiweni uthi indikimba yalonyaka eye ZITF ibapha idlabuzane.

“Sikhangelele ukuthi abantu abazisebenzayo bathole ithuba lokuya bukusa impahla zabo. Kodwa ke nxa sikhangele inhlawulo yokuthi bathole ithupha seCovid testing kuzaba nzima ngoba intengo yakhona iphezulu kakhulu. Sesicabanga ukuthi ama traders ahlangane akhethe abalutshwana abangabamela. Isahluko se Trade Fair yalonyaka siyavuma ngempela ukuthi kumele sidonse amasokisi sibone ukuthi izinto sezitshintshile sesiphila phakathi komkhuhlane we Covid19 ngokunjalo kunengi okumele sikwenze ekutheni sitshintshe ukwenza sikhangele indlela ebesisenza ngayo i business sibambe indlela zokuthengisa ezalamuhla ezebulenjini. Isahluko lesi siyasikhuthaza ukuthi sicabange kabanzi ukuthi singaphila njani ngalesi isikhathi.”

Unkosikazi Thabiso Gabaza umhlali wakoBulawayo uthi iCovid-19 isiguqule umbukiso weZITF waba ngowehlekana labo somabhizimusi.

“Siyajabula lapho sisizwa ukuthi i-Trade Fair izakuba khona ngayonale inyanga. Kodwa ngibona engathi inengi lethu sizehluleka ukuyafika khona labantwana lonyaka ngoba imali yokuya tester Covid19 singelayo. I-Trade Fair ibisipha ithuba lokuthi sike siphume njengezimuli siyekholisa sibuka izinto ezehlukeneyo, kodwa kukhanya umkhuhlane weCovid usuguqulile konke lokhu isizakuba ngeyabo somabhizimusi kuphela.”

Umqondisi we Zimbabwe International Trade Fair uMnu. Nicholas Ndebele uchasisa ngombukiso.

"Njenge yinye yendlela zokuvikela ukumemetheka komkhuhlane weCovid 19 ngithanda ukukhuthaza bonke abazakuphatheka kuhle love Lowe ZITF 2021 ,okugoqela abazobukisa labazokwakha labathengisayo kumele baveze izithupha zokuthi bahloliwe njalo abala mkhuhlane weCovid 19.lsithupha leso kumele sibe sithethwe kumahola angabathumi amane lesitshiyagalombili adluleyo ukuba bavunyelwe ukungena emagedini,ngithanda ukukhuthaza abantu bonke abafisa ukuthi baye eZITF bayehlatshwa ivaccine."

Umbukiso weZITF walonyaka ungaphansi kwendikimba ethi Ukufanekisa ubutsha obukhona obamabhizimuzi kulokhu okwenzakalayo kanye lamathuba akhona “Showcasing the New Normal for Business and Industry:Realities and Opportunities”

Babikwa sebengamakhulu edlula amane(408) asebebhalisile ukuba bazabe bebukisa lonyaka kuZITF kulabanye abavele kwamanye amazwe anjenge Belarus, Botswana, Malawi, Mauritius, Namibia, Nigeria, Indonesia, South Africa kanye leTanzania. Njalo indawo esithethwe ngababukisayo isingamatshumi ayisitshiyagalombili lasikhombisa ekhulwini (87%).

Udaba lokuqhutshwa kweZITD 2021 siluphiwa nguBathabile Masuku
please wait

No media source currently available

0:00 0:04:34 0:00
XS
SM
MD
LG