amalinks wokungena

Breaking News

Umbukiso Wezokulima oweAgricultural Show Uqala eHarare


Harare Agricultural Show

Abaqoqi bombukiso wezokulima lamabhizimusi owe Harare Agricutural Show bavule owalonyaka ngokukhuthaza abantu ukuthi baze ngobunengi ukuzongena kuwo.

Unobhala jilelele wenhlanganiso yabafuya inkukhu eye Freerange Poultry Association uveze injabulo ngenyathela elithetwe nguhulumende lonyaka lokubukisa imisebenzi yokufuya inkukhu.

"Sifuna ukubonga uhulumende ngokwenza ukuthi lumkhuhlane ungafiki emakhaya .Lathi onondaga sasingelazo inkukhu kodwa khathesi abantu bangathenga sibili behamba lazo besiya ema pulazini besiya zifuya khona".

Umnumzana Nkosi Ngwenya wenhlanganiso ye ZimAvian efuya lokuthengisa amatsiyane uthi amathuba sevulekile.

"Uyabona kuze kube le avian flu inkukhu sezizinlutswana so thina sibuya silazo inkukhu .Si provider ama broiler chicks lama layers".

Uthi noma kunje lokhe kunzima ukutholisa abantu ikakhulu inkukhu zamaqanda balakho ukumelela phose inyanga yonke bengakawatholi ngenxa yokwandelwa.

"I demand yama layers i phezulu kakhulu .Uyabona i demand yamaqanda i price yawo i khwelile kudala wauthenga i qanda nge dollar for six kodwa khathesi yi dollar for four".

Unkosikazi Jiji uthi lonyaka bakhethe ukufundisa uzulu ngemihlobo ekhona yenkukhu zemaphandleni.

Harare Agricultural Show
Harare Agricultural Show


"Kulama breeds .ama breeds la kulomhlobo wenkukhu engakunikeza amaqanda amanengi kube lama breed lawo anikeza inyama enengi kakhulu okokuthi amaqude angakhona angafika .noma ku 5kg".

Umnumzana Anesu Kwaramba ubebukisa inkukhu eze Zimbabwe lezivela phandle kwelizwe ezifana le Brahma ekhula ize ifike kusisindo samakilograms angaba yisikhombisa evela kwele Australia lezinye ezivela kwele Japan.

Umbukiso walonyaka owenziwa phansi kwendingimba ethi Field to Industry: Produce. Connect. Develop izavulwa okusemthethweni ngoLwesihlanu nguMongameli Emmerson Mnangagwa.

Abalimi labamabizimusi bakhangelelwe ukuthola imivuzo etshiyeneyo ebiza inkulungwane lenkulungwane zamadollar.

Ngomnyaka ophelileyo kungene abantu abangaba zinkulungwane ezingaba ngamakhulu amabili zama dollar -$200 000 embukisweni owe Harare Agricultural Show. Lonyaka abaqoqa lumbukiso bathi bakhagelele ukuthi abantu abazinkulungwane ezingamatkhulu amabili lamatshumi amahlanu – 250, 000 bangene bazangena lonyaka.

please wait

No media source currently available

0:00 0:03:20 0:00

Facebook Forum

XS
SM
MD
LG