amalinks wokungena

Breaking News

Umcintiswano Wokugijima Usungulwa eWhite City Stadium koBulawayo


UNkosikazi Ollicah Kaira
UNkosikazi Ollicah Kaira

Abafundi abaphuma ezigabeni ezilitshumi zakwele Zimbabwe bebethe gwaqa enkundleni ye White City esedolobheni lako Bulawayo lapho okulomncintiswano wokugijima. Lumncintiswano uhlanganisela abafundi bezikolo ze Primary kanye labezikolo ze Secondary.

Lokhu ngokokuqala ukuba umncintiswano lo uhlanganisele izikolo ze mfundo ye primary leye secondary njalo ophethe isikhundla sikamqondisi wezemfundo edolobheni lako Bulawayo uNkosikazi Ollicah Fikelephi Kaira ukhuthaze abadlali ukuba bencintise beqinile ukuze bathole ithuba lokumela ilizwe kumncintiswano etshiyeneyo.

"Ngithanda ukukhuthaza abadlali ukuba basebenzise amandla abo wonke ukuze baphume benqobile besebebalelwa kulabo abadlali abazamela ilizwe emidlalweni efana leye COSSASA."

Imidlalo ye Confederation of School Sports Association in Southern Africa (COSSASA) lonyaka izaqhutshelwa elizweni lase Botswana njalo abadlali abazaqhuba kuhle kumidlalo le eqhutshelwa edolobheni lako Bulawayo yibo abazakuyamela ilizwe le Zimbabwe kuleyomidlalo.

Limidlalo eqale ngoLwesibili njalo ezafika emaphethelweni ngoLwesihlanu izasentshenziswa njalo ukukhetha abadlali abaleminyaka engaphansi kwamatshumi amabili abazakuyamela ilizwe emidlalweni eye Under 20 World Championships ezaqhutshelwa elizweni lase Finland.

please wait

No media source currently available

0:00 0:01:22 0:00
XS
SM
MD
LG