amalinks wokungena

Umdeni Wako Mugabe Kawudlelani Kahle Lomalukazana uGrace Mugabe

  • Gibbs Dube

UNkosiakzi Grace Mugabe.

Izihlobo zikaMnu. Robert Mugabe, owayengumongameli welizwe leZimbabwe okweminyaka eyedlula amatshumi amathathu lesikhombisa, zithi sokuleminyaka emibili zingakhulumisani kahle lomkakhe, uNkosikazi Grace Mugabe.

Izihlobo labomakhelwane batshele umsakazo weVOA Studio 7 ukuthi benza lokhu ngenxa yokuthi uNkosikazi Mugabe kahloniphi njalo ufuna ukuthi abenguye okhokhela konke okwenziwa kwabozala.

UNkosikazi Mugabe uleminyaka engamatshumi amahlanu lantathu. Umkakhe uMnu. Robert Mugabe uleminyaka engamatshumi ayisitshiyagalo lunye lantathu (93.
UNkosikazi Mugabe uleminyaka engamatshumi amahlanu lantathu. Umkakhe uMnu. Robert Mugabe uleminyaka engamatshumi ayisitshiyagalo lunye lantathu (93.

Izihlobo zikaMugabe, ezigoqela imuli yako Jenami layako Matibiri, zithi uNkosikazi Mugabe kahloniphi labantu abadala, uthatha ukuziqakathekisa njalo udunga imuli okumangalisayo.

Bathi lokho yikho okwenza ukuthi bengasakhuisani laye ngoba babona ukuthi yikuchitha isikhathi.

Umalumakhe, uMnu. Ben Matibiri, uthe kuyesabeka obekukhulunywa nguNkosikazi Mugabe emphakathini obethuka abantu abanjengo Mnu. Emmerson Mnangagwa osengumongameli loNkosikazi Joice Mujuru owacina exotshwa kubandla leZanu PF esetheswa icala lokuzama ukususa uMugabe esikhundleni okungekho emthethweni.

UMatibiri uthi lokhu kweyisa imuli yakoMugabe njalo kwayangisa labomakhelwane abatshelwa ngamathe ngokwethulwa nguNkosikazi Mugabe emihlanganweni yebandla leZanu PF ngesikhathi sokukhankaselwa ezokhetho.

Uthi uNkosikazi umuyi uNkosikazi Sally Hefron Mugabe wayengcono kakhulu kuloNkosikazi Grace Mugabe ngoba babemthatha njengendodakazi yabo.

“USally (Mugabe) wayengumuntu kuzwa njalo wayehlonipha bonke abantu okwenza ukuthi simenze indodakazi yethu. Umama lo uGrace Mugabe kahloniphi njalo ulomlomo ongahlalwa mpukane. Kakwazi okumele akukhulume lokungamelanga akukhulume sonke isikhathi.”

UNkosikazi Mugabe lo Geneal Constantino Guveya Chiwenga
UNkosikazi Mugabe lo Geneal Constantino Guveya Chiwenga

Lokhu kusekelwe yizihlobo ezinengi ezigoqela omunye wabo othe waziwa ngegama lokuthi nguClemence, kanye labomakhelwane abathe uNkosikazi Grace Mugabe kalasifuba.

Bathe sokulesikhathi eside engayi esiqintini sako Zvimba lapho okudabuka khona umkakhe.

UClemence uthe, “Umama lo uthanda ukuthi abenguye okhulumayo isikhathi sonke njalo engabona engani abantu kabalalelanga ufuna ukuzibonakalisa emphakathini.”

Umakhelwane, uMnu. Fidelis Chinyanyi, laye uthe uNkosikazi Mugabe kalambeko ngakho-ke usephose wabhidliza lemuli yakoMugabe.

UNkosikazi Mugabe ukucele lebandla leZANU PF elibizwa ngokuthi yiGeneration 40 ebelifuna ukuthi athathe isikhundla somkakhe. Icele leli selidilizwe libutho elingenele kwezombusazwe lisithi uMugabe ubesethathelwe amandla ngumkakhe obesokusenza ukuthi angenelisi ukubusa kahle.

UMugabe uthathelwe isikhundla nguMnu. Emmerson Mnangagwa ozabusa kuze kuyefika ukhetho ngomnyaka ozayo.

Facebook Forum

XS
SM
MD
LG