amalinks wokungena

Breaking News

UMnangagwa Uhlangana Lomkhokheli weIMF


Zimbabwe President Emmerson Mnangagwa with IMF chief Christine Lagarde

UMongameli Emmerson Mnangagwa uhlangane lomkhokheli weInternational Monetary Fund, uNkosikazi Christine Lagarde ngoLwesine bekhulumisana ngendlela zokuvuselela umnotho weZimbabwe.

Ababili laba bahlangane emhlangwaweni weWorld Economic Forum eDavos, kweleSwitzerland.

ULagarde uveze ukuthi bakhulume njalo ngendlela iIMF engancedisa ngayo eleZimbabwe.

UMnangagwa uphinde wahlangana loMongameli weSwitzerland uMnu Alain Berset wamtshela ukuthi eleZimbabwe livulekile kwabakwamanye amazwe ukuthi bazevula amabhizimusi.

Uthe njalo uhulumende wakhe seguqule umthetho weIndigenization ngokwesula imigoqo obuyifakela osomabhizimusi bakwamanye amazwe.

Imigoqo le isizasebenza kuphela kumankampani agebha ilitshe ledayimala leplatinum.

UMongameli Mnangagwa uhlangane njalo lomkhokheli webhanga elikhulu lezwekazi leAfrica eleAfrican Development Bank labosomabhizimusi bakwamanye amazwe

Kodwa engaba enelisile yini ukuhuga abakwamanye amazwe uMnangagwa ukuthi bazevula amabhisimusi eZimbabwe?

“Mhlawumbe,” kutsho ingcwethi ecubungula ezombusazwe uMnu Mqondobanzi Magonya.

please wait

No media source currently available

0:00 0:02:39 0:00

Facebook Forum

XS
SM
MD
LG