amalinks wokungena

Kwenziwa Umhlangano weUnited Nations Sustainable Development Goals - SDGs.

  • Mavis Gama

Abakade besemhlanganweni owe SDG's

Lokhu kuvele emhlanganweni oqoqwe ngabe Poverty Reduction Forum Trust, owenzelwe eweteleni yeHoliday Inn, eHarare, wokwazisana ngokuphume emhlanganweni we United Nations High Level Political Forum ( HLPF ), lapho amazwe abesazisa ngasekwenzile, ukufeza izinqumo zama SDGs.

Unkosazana Ashley Ngwenya ngomunye wabaphatheke emhlanganweni we HLPF, obizwe ngabe-UN ngoNtulikazi lonyaka, esigodlweni sayo e New York.

Unkosazana Ashley Ngwenya wenhlagnaniso yabasakhulayo eye Youth Engage
Unkosazana Ashley Ngwenya wenhlagnaniso yabasakhulayo eye Youth Engage

Ukhala ngokungaqakathekiswa kwendaba eziphathelene labontanga, uMaNgwenya, athi kusukela kuye uhulumende, owehluleke khona ukubatholisa imali yokuhambisa.

Kwaphetha sebetholiswa usizo ngabezinye inhlanganiso,okuyinto ayichaze njengeyingozi, ngoba kuphetha sekubakhama, sekumele bakhulume okufunwa yilabo ababanike uncedo.

Lanxa eyengena umhlangano we HLPF, uMangwenya uthi, akasuthisekanga ngendlela abasakhulayo bengaqakathekiswa ngayo.

Umnumzana Amarakoon Bandara wenhlanganiso yeUNDP
Umnumzana Amarakoon Bandara wenhlanganiso yeUNDP

Ingcwethi kwezomnotho, kuhlangothi olwe United Nations Development Programme – UNDP, umnumzana Amarakoon Bandara, uthi kumele kube nguhulumende okhokhelayo ekutholiseni imali zokuqhuba inhlelo zakhe okubalisa iziqondiso zama SDG's.

Ele Zimbabwe lithi lakhetha iziqondiso ezilitshumi lanye ( 11 ) phakathi kwezilitshumi lasikhombisa ( 17 ), okwavunyelanwa kizo ukuba zibe sezifezekile kusiyafika umnyaka ka 2030.

Kodwa abasakhulayo, bakhala ngokuthi aziqakathekiswa kangako, indaba eziphathelene labo, ikakhulukazi ezempilakahle yabo lokulinganiswa kwamathuba phakathi kwabesifazane labesilisa.

Facebook Forum

XS
SM
MD
LG