amalinks wokungena

Breaking News

Umhlangano weZAWAC'2019 Uqala eFlorida Mhlaka 4 Mabasa


ZAWAC.

Umhlangano wabomama abadabuka eZimbabwe asebehlala eMelika abakhonza ebandleni le Seventh Day Adventist uqala ngoLwesine mhla ka 4 uphela mhlaka 7Mabasa, 2019, eFlorida eMelika.

Abesifazana laba sebabumba inhlanganiso ebizwa ngokuthi yiZimbabwe Adventist Women Abroad Conference - ZAWAC. Linhlanganiso yabunjwa ngenhloso yokubuthanisa ndawonye omama abangamakholwa esiKrestu ukuze bathole ithuba lokuhlaba ikhefu emisebenzini lasemulini bekhonza, ukuzwa intshumayelo, ukuthandaza bendawonye kanye lokucebisana ukuthuthukisa impilo zabo.

Omunye wenkokheli yeZAWAC, uNkosikazi Ronah Sibanda uchasisa kabanzi ngomhlangano wabo walonyaka oqala ngoLwesine mhlaka 4 uphela mhlaka 7 Mabasa, edolobheni leTampa eliseFlorida, kungxoxo ayenze le Studio 7.

UNkosikazi Ronah Sibanda oweZAWAC
UNkosikazi Ronah Sibanda oweZAWAC

“Umhlangano weZAWAC lanxa waqaliswa ngomama abavela eZimbabwe, usungenwa ngumama wonke kungakhathelekile ukuthi uvela ngaphi kumbe ukhonza kuliphi ibandla lokholo. Sinxusa umama wonke ukuze abe lesikhathi sokuhlanganela labanye bethandazelana lokucebisana ngezempilo” kutsho uNkosikazi Sibanda.

Uqhubeke ethi lumhlangano bawenza kanye ngomnyaka njalo sebeleminyaka elitshumi lanhlanu bawusungulayo, besenzela ezigabeni ezitshiyeneyo zeMelika. Nyakenye bawenzele eGeorgia njalo ungenwa ngomama abavela ezigabeni ezishiyeneyo zeMelika, eCanada, United Kingdom lase Zimbabwe. Lonyaka uthi bakhangelele abazavela kwele Australia.

UNkosikazi Sibanda uthe njalo "Indingimba yalonyaka ithi "Let go and Let God" "Yekela ukufake ezandleni zikaNkulunkulu"

Ingxoxo loNkosikazi Ronah Sibanda oweZAWAC
please wait

No media source currently available

0:00 0:04:44 0:00

Facebook Forum

XS
SM
MD
LG